ಬೆಂಗಳೂರು: ರಾಜ್ಯದ ಮಹಾನಗರಪಾಲಿಕೆಗಳಲ್ಲಿನ (ಬಿಬಿಎಂಪಿ ಹೊರತುಪಡಿಸಿ) ವಿವಿಧ ವೃಂದದ 1,694 ಹುದ್ದೆಗಳನ್ನು ರದ್ದುಪಡಿಸಲು ಮತ್ತು ಆಟೋಮೊಬೈಲ್ ಎಂಜಿನಿಯರ್ 7 ಹುದ್ದೆಗಳನ್ನು ಸೃಜಿಸಲು ರಾಜ್ಯ ಸರ್ಕಾರ ಮಂಜೂರಾತಿ ನೀಡಿದೆ.
ಮಹಾನಗರಪಾಲಿಕೆಗಳ ಹಲವು ವೃಂದಗಳ ಹುದ್ದೆಗಳನ್ನು ರದ್ದುಪಡಿಸಿ ಸೂಪರಿಟೆಂಡೆಂಟ್ ಎಂಜಿನಿಯರ್ 10 ಮತ್ತು ಅಟೋಮೊಬೈಲ್ ಎಂಜಿನಿಯರ್ 14 ಹುದ್ದೆಗಳನ್ನು ಸೃಜಿಸುವಂತೆ ಸರ್ಕಾರಕ್ಕೆ ಪೌರಾಡಳಿತ ನಿರ್ದೇಶನಾಲಯದ ನಿರ್ದೇಶಕರು ಪ್ರಸ್ತಾವ ಸಲ್ಲಿಸಿದ್ದರು. ಅದರ ಅನ್ವಯ ಈ ಕ್ರಮ ತೆಗೆದುಕೊಳ್ಳಲಾಗಿದೆ.
ಯಾವ ಹುದ್ದೆ ರದ್ದು: ಸಹಾಯಕ ಕೌನ್ಸಿಲ್ ಕಾರ್ಯದರ್ಶಿ–10, ಇನ್ವೆಂಟರಿ ಅಧಿಕಾರಿ–10, ಸಮುದಾಯ ಸಂಘಟನಾಧಿಕಾರಿ–38, ಪಶು ಸಂಗೋಪಾನಾ ನಿರೀಕ್ಷಕ –10, ಆಹಾರ ನಿರೀಕ್ಷಕ–12, ಶೀಘ್ರ ಲಿಪಿಗಾರ– 186, ಸಮುದಾಯ ಸಂಘಟಕರು– 152, ಸಹಾಯಕ ಯುಜಿಡಿ ಆಪರೇಟರ್– 190, ಮುಖ್ಯ ತೋಟಗಾರಿಕಾ ಮಾಲಿ– 38, ವಾಟರ್ ಸಪ್ಲೈ ಹೆಲ್ಪರ್– 608, ಕಾಮಗಾರಿ ನಿರೀಕ್ಷಕರು–380, ಪಶು ಸಂಗೋಪನಾಧಿಕಾರಿ–10, ಎಲೆಕ್ಟ್ರೀಷಿಯನ್ ದರ್ಜೆ 1– 50.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.