₹2 ಕೋಟಿ ಮೌಲ್ಯದ ಹೆರಾಯಿನ್ ಪತ್ತೆ

ಕಾಸರಗೋಡು: ವಯನಾಡು ಜಿಲ್ಲೆಯ ಮಾನಂದವಾಡಿಯಲ್ಲಿ ₹ 2 ಕೋಟಿ ಮೌಲ್ಯದ ಒಂದು ಕೆಜಿ ಹೆರಾಯಿನ್ ವಶಪಡಿಸಿಕೊಂಡಿರುವ ಪೊಲೀಸರು, ಐವರನ್ನು ಬಂಧಿಸಿದ್ದಾರೆ.

ಬೇಕಲದ ಕುನ್ನುಮ್ಮಲ್ ಅಶೋಕನ್ (45), ಚೀಮೇನಿಯ ಬಾಲಕೃಷ್ಣನ್ (47) ಉತ್ತರ ಪ್ರದೇಶದ ಮಥುರಾ ಜಿಲ್ಲೆಯ ಅಜಯ್ ಸಿಂಗ್ ಸೇರಿದಂತೆ ಐವರ ತಂಡ ಹೆರಾಯಿನ್‌ ಮಾರಾಟ ಮಾಡಲು ಯತ್ನಿಸಿದಾಗ ಅವರನ್ನು ಬಂಧಿಸಲಾಗಿದೆ.

ಹೆರಾಯಿನ್‌ ಅನ್ನು ಅಜಯ್‌ಸಿಂಗ್‌ ಉತ್ತರಪ್ರದೇಶದಿಂದ ಕೇರಳಕ್ಕೆ ತಂದಿದ್ದ. ಅದನ್ನು ಮಾರಾಟ ಮಾಡಲು ಇತರ ನಾಲ್ವರು ಆರೋಪಿಗಳು, ಈತನ ಜತೆಯಲ್ಲಿ ಮಾನಂದವಾಡಿಯ ಲಾಡ್ಜ್‌ನಲ್ಲಿದ್ದಾಗ ಪೊಲೀಸರು ದಾಳಿ ನಡೆಸಿದ್ದರು.