Covid-19 Karnataka Update: ರಾಜ್ಯದಲ್ಲಿ ಒಂದೇ ದಿನ 34,881 ಸೋಂಕಿತರು ಗುಣಮುಖ

ಬೆಂಗಳೂರು: ಕಳೆದ 24 ಗಂಟೆಗಳಲ್ಲಿ 482 ಸೋಂಕಿತರು ಸಾವಿಗೀಡಾಗಿದ್ದು. ಇದೇ ಅವಧಿಯಲ್ಲಿ ಹೊಸದಾಗಿ 47,536 ಸೋಂಕು ಪ್ರಕರಣಗಳು ವರದಿಯಾಗಿವೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.

ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು 18,86,448 ಪ್ರಕರಣಗಳು ವರದಿಯಾಗಿದ್ದು, ಸಾವಿನ ಸಂಖ್ಯೆ 18,286ಕ್ಕೆ ತಲುಪಿದೆ. ಇಂದು ಗುಣಮುಖರಾದ 34,881 ಮಂದಿಯೂ ಸೇರಿದಂತೆ ಇದುವರೆಗೆ ಒಟ್ಟು 13,19,301 ಸೋಂಕಿತರು ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. ಸದ್ಯ 5,48,841 ಸಕ್ರಿಯ ಪ್ರಕರಣಗಳಿವೆ.

ಬೆಂಗಳೂರಲ್ಲಿ 21,534 ಹೊಸ ಪ್ರಕರಣ
ಬೆಂಗಳೂರಿನಲ್ಲಿ ಇಂದು ಬರೋಬ್ಬರಿ 21,534 ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ನಗರದಲ್ಲಿ ವರದಿಯಾದ ಒಟ್ಟು ಪ್ರಕರಣಗಳ ಸಂಖ್ಯೆ 9,29,996 ಆಗಿದೆ. ಇದರಲ್ಲಿ 5,77,465 ಸೋಂಕಿತರು ಗುಣಮುಖರಾಗಿದ್ದು, 7,776 ಮಂದಿ ಮೃತಪಟ್ಟಿದ್ದಾರೆ. ಇನ್ನೂ 3,44,754 ಸಕ್ರಿಯ ಪ್ರಕರಣಗಳು ಇವೆ.

ಉಳಿದಂತೆ ತುಮಕೂರು (2,419), ಹಾಸನ (996), ಮೈಸೂರು (2,294), ಕಲಬುರಗಿ (1,661), ದಕ್ಷಿಣ ಕನ್ನಡ (1,513), ಬಳ್ಳಾರಿ (940), ಮಂಡ್ಯದಲ್ಲಿ (1,225) ಸಾವಿರಕ್ಕಿಂತ ಹೆಚ್ಚು ಪ್ರಕರಣಗಳು ದೃಢಪಟ್ಟಿವೆ.