Covid-19 Karnataka Update: ಸೋಂಕು ಗುಣಮುಖ ಪ್ರಮಾಣ ಏರಿಕೆ, ಹೊಸ ಪ್ರಕರಣ ಇಳಿಕೆ

ಬೆಂಗಳೂರು: ರಾಜ್ಯದಲ್ಲಿ ಗುರುವಾರ ಕೋವಿಡ್‌–19 ದೃಢಪಟ್ಟ 1,240 ಹೊಸ ಪ್ರಕರಣಗಳು ದಾಖಲಾಗಿವೆ. ಇದೇ ಅವಧಿಯಲ್ಲಿ 1,252 ಮಂದಿ ಗುಣಮುಖರಾಗಿದ್ದಾರೆ ಹಾಗೂ 22 ಮಂದಿ ಸಾವಿಗೀಡಾಗಿದ್ದಾರೆ.

ರಾಜ್ಯದಾದ್ಯಂತ 18,378 ಪ್ರಕರಣಗಳು ಸಕ್ರಿಯವಾಗಿವೆ. ಕೋವಿಡ್‌–19 ದೃಢ ಪ್ರಮಾಣ ಶೇ 0.74ರಷ್ಟು ಮತ್ತು ಸೋಂಕಿನಿಂದ ಮೃತಪಟ್ಟವರ ಪ್ರಮಾಣ ಶೇ 1.77ರಷ್ಟು ದಾಖಲಾಗಿರುವುದಾಗಿ ಆರೋಗ್ಯ ಇಲಾಖೆ ಪ್ರಕಟಿಸಿದೆ.

ಬೆಂಗಳೂರಿನಲ್ಲಿ 319 ಪ್ರಕರಣಗಳು, ದಕ್ಷಿಣ ಕನ್ನಡದಲ್ಲಿ 264 ಪ್ರಕರಣಗಳು, ಉಡುಪಿಯಲ್ಲಿ 111, ಮೈಸೂರಿನಲ್ಲಿ 88, ಹಾಸನದಲ್ಲಿ 76, ಕೊಡಗಿನಲ್ಲಿ 52, ಬೆಳಗಾವಿಯಲ್ಲಿ 49 ಹೊಸ ಪ್ರಕರಣಗಳು ದಾಖಲಾಗಿವೆ.

ಇದನ್ನೂ ಓದಿ– ಕೊರೊನಾ ವೈರಸ್‌ ಹೊಸ ತಳಿ ‘ಮ್ಯೂ’ ಲಸಿಕೆ ಪ್ರತಿರೋಧಕ: ಎಚ್ಚರಿಕೆ

ಒಟ್ಟು ಕೋವಿಡ್‌ ಪ್ರಕರಣಗಳ ಸಂಖ್ಯೆ 29.51 ಲಕ್ಷ ದಾಟಿದ್ದು, ಈ ಪೈಕಿ 28.96 ಲಕ್ಷಕ್ಕಿಂತ ಹೆಚ್ಚು ಮಂದಿ ಚೇತರಿಸಿಕೊಂಡಿದ್ದಾರೆ ಹಾಗೂ 37,361 ಮಂದಿ ಸಾವಿಗೀಡಾಗಿದ್ದಾರೆ.