ದರ್ಶನ್ ಕೇಸ್: ದೋಷಾರೋಪ ಪಟ್ಟಿ ಗೋಪ್ಯ ದಾಖಲೆ ಅಲ್ಲ– ಪರಮೇಶ್ವರ

ಬೆಂಗಳೂರು: ‘ದೋಷಾರೋಪ ಪಟ್ಟಿ ಗೋಪ್ಯ ದಾಖಲಾತಿಯೇನೂ ಅಲ್ಲ. ಅದರಲ್ಲಿರುವ ಮಾಹಿತಿ ಸಹಜವಾಗಿ ಹೊರಗೆ ಬರುತ್ತದೆ’ ಎಂದು ಗೃಹ ಸಚಿವ ಜಿ. ಪರಮೇಶ್ವರ ಹೇಳಿದರು.

ಚಿತ್ರದುರ್ಗದ ರೇಣುಕಸ್ವಾಮಿ ಕೊಲೆ‌ ಪ್ರಕರಣದ ದೋಷಾರೋಪಣೆ ಪಟ್ಟಿಯಲ್ಲಿರುವ ಅಂಶಗಳು ಬಹಿರಂಗ ಆಗುತ್ತಿರುವ ಕುರಿತು ಸುದ್ದಿಗಾರರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ‘ಪೊಲೀಸರು ದೋಷಾರೋಪ ಪಟ್ಟಿ ಜತೆಗೆ, ಸಾಕ್ಷ್ಯಾಧಾರಗಳನ್ನು ನ್ಯಾಯಾಲಯಕ್ಕೆ ನೀಡುತ್ತಾರೆ.‌ ಅದನ್ನು ಪ್ರತಿವಾದಿಯ ವಕೀಲರಿಗೆ ನೀಡಲಾಗುತ್ತದೆ’ ಎಂದರು.