‘ಡ್ರೋನ್‌ ಪೈಲಟ್‌ ತರಬೇತಿ: 3–4 ತಿಂಗಳಲ್ಲಿ ಶುಲ್ಕ ಇಳಿಕೆ’

ನವದೆಹಲಿ: ಡ್ರೋನ್‌ ಪೈಲಟ್‌ ತರಬೇತಿ ಕೋರ್ಸ್‌ನ ಶುಲ್ಕ ಮುಂದಿನ 3–4 ತಿಂಗಳಲ್ಲಿ ಇಳಿಕೆಯಾಗಲಿದೆ ಎಂದು ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಮಂಗಳವಾರ ತಿಳಿಸಿದ್ದಾರೆ.

ವರ್ಚುವಲ್‌ ಆಗಿ ನಡೆದ ಸಂವಾದ ಕಾರ್ಯಕ್ರಮವೊಂದರಲ್ಲಿ ರೈತರೊಬ್ಬರು ಈ ಕೋರ್ಸ್‌ನ ಹೆಚ್ಚುವರಿ ಶುಲ್ಕದ ಕುರಿತು ಸಚಿವರ ಗಮನ ಸೆಳೆದರು. ಇದಕ್ಕೆ ಪ್ರತಿಕ್ರಿಯಿಸಿದ ಸಿಂಧಿಯಾ ಅವರು, ತರಬೇತಿ ನೀಡುವ ಸಂಸ್ಥೆಗಳು ಹೆಚ್ಚಾದಂತೆ ಶುಲ್ಕ ಇಳಿಕೆಯಾಗಲಿದೆ ಎಂದಿದ್ದಾರೆ.

ಕಳೆದ ಐದು ತಿಂಗಳಲ್ಲಿ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯವು (ಡಿಜಿಸಿಎ) 23 ಸಂಸ್ಥೆಗಳಿಗೆ ಡ್ರೋನ್‌ ಪೈಲಟ್‌ ತರಬೇತಿ ನೀಡಲು ಅನುಮತಿ ಕೊಟ್ಟಿದೆ ಎಂದೂ ತಿಳಿಸಿದ್ದಾರೆ.