ಫೇಸ್‌ಬುಕ್‌ನಲ್ಲಿ 'ಐ ಲವ್‌ ಯೂ ತಾಲಿಬಾನ್' ಪೋಸ್ಟ್ ಹಾಕಿದ ಯುವಕ: ಬಂಧನಕ್ಕೆ ಆಗ್ರಹ

ಬಾಗಲಕೋಟೆ: ಇಲ್ಲಿನ ಜಮಖಂಡಿ ನಗರದಲ್ಲಿ ಆಸಿಫ್ ಗಲಗಲಿ ಎಂಬ ಯುವಕ ಫೇಸ್‌ಬುಕ್‌ನಲ್ಲಿ ಐ ಲವ್‌ ಯೂ ತಾಲಿಬಾನ್ ಎಂದು ಸಂದೇಶ ಹಾಕಿದ್ದಾನೆ.

ಸ್ಥಳೀಯರು ಆತನ ಬಂಧನಕ್ಕೆ ಆಗ್ರಹಿಸಿದ್ದಾರೆ. ಯುವಕ ನಾಪತ್ತೆಯಾಗಿದ್ದು, ಪೊಲೀಸರು ಹುಡುಕಾಟ ನಡೆಸಿದ್ದಾರೆ.ವಿಷಯ ಗೊತ್ತಾಗುತ್ತಿದ್ದಂತೆಯೇ ಆಸಿಫ್ ಪೋಷಕರು ಹಾಗೂ ಸಂಬಂಧಿಗಳನ್ನು ಕರೆಸಿ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಈ ಬಗ್ಗೆ ಶುಕ್ರವಾರ ಸಂಜೆಯವರೆಗೂ ಯಾವುದೇ ಪ್ರಕರಣ ದಾಖಲು ಆಗಿರಲಿಲ್ಲ.