ಸ್ತ್ರೀ ಸೇನಾನಿಗಳಿಗೆ 'ರಕ್ಷಾ' ಕವಚ
ರಣಾಂಗಣದಲ್ಲಿ ಸೆಣಸಾಡುವ ಸ್ತ್ರೀ ಸೇನಾನಿಗಳಿಗೆಂದೇ ವಿಶೇಷ ರಕ್ಷಾ ಕವಚ ಅಭಿವೃದ್ಧಿಪಡಿಸಲಾಗಿದೆ. ಸಿಆರ್‌ಪಿಎಫ್‌, ಆರ್‌ಎಎಫ್‌ ಪಡೆಗಳ ಮಹಿಳಾ ಸಿಬ್ಬಂದಿಯೂ ಇನ್ನು ಮುಂದೆ ಧೈರ್ಯದಿಂದ ಮುನ್ನುಗಿ ಎದುರಾಳಿಗಳನ್ನು ಸದಬಡಿಯಬಹುದು. ಬೀದಿ ದೊಂಬಿ, ಗಲಭೆಯ ವೇಳೆಯಲ್ಲಿ ದುಷ್ಕರ್ಮಿಗಳ ಹಲ್ಲೆಯಿಂದ ರಕ್ಷಣೆ ಪಡೆಯಲು ಈ ರಕ್ಷಾ ಕವಚ ಉಪಯುಕ್ತ.
ಇದನ್ನು ಡಿಆರ್‌ಡಿಓ ಅಂಗ ಸಂಸ್ಥೆಯಾದ‘ಡಿಫೆನ್ಸ್‌ ಇನ್ಸ್‌ಟಿಟ್ಯೂಟ್‌ ಆಫ್‌ ಫಿಸಿಯಾಲಜಿ ಅಂಡ್‌ ಅಲೈಡ್‌ ಸೈನ್ಸಸ್‌’ (ಡಿಐಪಿಎಎಸ್‌) ಅಭಿವೃದ್ಧಿಪಡಿಸಿದೆ. ವಿಶ್ವದಲ್ಲೇ ಪ್ರಥಮ ಎನ್ನಲಾಗಿದ್ದು; ಸ್ತ್ರೀ ದೇಹದ ಆವಯವಗಳ ದತ್ತಾಂಶಗಳನ್ನು ಆಧರಿಸಿ(anthropometric) ಕರಾರುವಕ್ಕಾಗಿ ಅಭಿವೃದ್ಧಿ ಪಡಿಸಲಾಗಿದೆ. ಇದಕ್ಕೆ ‘ಫುಲ್‌ ಬಾಡಿ ಪ್ರೊಟೆಕ್ಟರ್‌’ ಎನ್ನಲಾಗುತ್ತದೆ. ಹಿಂಸಾತ್ಮಕ ಗಲಭೆ ಅಥವಾ ದೊಂಬಿಯನ್ನು ನಿಯಂತ್ರಿಸಲು ಪರಿಣಾಮಕಾರಿ ರಕ್ಷಾ ಕವಚವಾಗಿದೆ.
ರಕ್ಷಾ ಕವಚದ ಲಕ್ಷಣಗಳು:
* ವಿಶೇಷ ಪಡೆಗಳ ಮಹಿಳಾ ಯೋಧರ ಅಂಗರಚನೆಗೆ ತಕ್ಕಂತೆ ತಯಾರಿಸಲಾಗುತ್ತದೆ.
* ಕತ್ತು, ಎದೆ, ಪಕ್ಕೆಲುಬು, ತೋಳುಗಳು, ಮೊಣ ಕೈ, ತೊಡೆಗಳು, ಮೊಣ ಕಾಲು, ಬೆನ್ನೆಲುಬಿಗೆ ರಕ್ಷಣೆ
* ಮೂರು ಗಾತ್ರಗಳು: ಮೀಡಿಯಂ, ಲಾರ್ಜ್‌, ಎಕ್ಸ್‌ಎಲ್‌
* ಪೂರ್ಣ ದೇಹ ರಕ್ಷಣಾ ಕವಚ ತಂತ್ರಜ್ಞಾನವನ್ನು ಮೂರು ಖಾಸಗಿ ಕಂಪನಿಗಳಿಗೆ ವರ್ಗಾಯಿಸಲಾಗಿದೆ. ಮೂರು ರಾಜ್ಯಗಳು ರಕ್ಷಾ ಕವಚಗಳಿಗೆ ಬೇಡಿಕೆ ಸಲ್ಲಿಸಿವೆ.
ರಕ್ಷಣೆಯ ವಿಧಗಳು:
ಇರಿತ: ಚಾಕು, ಚೂರಿ ಇರಿತದಿಂದ ಪಾರಾಗಬಹುದು
ಚುಚ್ಚುವಿಕೆ: ಚೂಪಾದ ಸಾಧನಗಳಿಂದ ಚುಚ್ಚಿದರೆ ಏನೂ ಆಗಲ್ಲ
ಆ್ಯಸಿಡ್‌ ದಾಳಿ: ದೇಹದ ಮೇಲೆ ಆ್ಯಸಿಡ್‌ ಎರಚಿದರೂ ಸುಡುವುದಿಲ್ಲ
ಬೆಂಕಿಯಿಂದ ರಕ್ಷಣೆ: ಪೆಟ್ರೋಲ್‌ ಬಾಂಬ್‌ ಅಥವಾ ಬೆಂಕಿ ಆಕಸ್ಮಿಕ ಸಂದರ್ಭದಲ್ಲಿ ಇದು ರಕ್ಷಣೆ ನೀಡುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.