ಕುಕ್ಕೆ ದೇಗುಲಕ್ಕೆ ₹98.92 ಕೋಟಿ ಆದಾಯ

ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಕ್ಕೆ 2019-20ನೇ ಸಾಲಿನಲ್ಲಿ ₹98.92 ಕೋಟಿ ಆದಾಯ ಲಭಿಸಿದೆ ಎಂದು ದೇವಸ್ಥಾನದ ಮೂಲಗಳು ತಿಳಿಸಿವೆ.

ದೇವಸ್ಥಾನಕ್ಕೆ ಮುಖ್ಯವಾಗಿ ಹರಕೆ ಸೇವೆ, ಕಾಣಿಕೆ ಡಬ್ಬಿ, ಬಡ್ಡಿ, ಛತ್ರಗಳ ಬಾಡಿಗೆ, ಕಟ್ಟಡಗಳ ಬಾಡಿಗೆ ಮತ್ತು ಕೃಷಿ ತೋಟದಿಂದ ಆದಾಯವು ಬರುತ್ತದೆ.

ಮುಜರಾಯಿ ಇಲಾಖೆ ಈ ಹಿಂದೆ ಪ್ರಕಟಿಸಿದ್ದಂತೆ ಕುಕ್ಕೆ ದೇಗುಲದ ಆದಾಯ ಕಳೆದ ವರ್ಷ ₹ 100 ಕೋಟಿ ಇತ್ತು. ಈ ವರ್ಷ ಆದಾಯ ಸುಮಾರು ₹ 1 ಕೋಟಿ ಇಳಿಕೆಯಾಗಿದೆ.