ಶಾಸಕ ಅನಿಲ ಬೆನಕೆಗೆ ತಗುಲಿದ ಸೋಂಕು

ಬೆಳಗಾವಿ: ಇಲ್ಲಿನ ಬೆಳಗಾವಿ ಉತ್ತರ ಕ್ಷೇತ್ರದ ಶಾಸಕ ಅನಿಲ ಬೆನಕೆ ಅವರಿಗೂ ಕೋವಿಡ್‌–19 ಸೋಂಕು ಕಾಣಿಸಿಕೊಂಡಿದೆ. ಅವರು ಸ್ವಯಂ ಪ್ರೇರಣೆಯಿಂದ ಹೋಮ್‌ ಕ್ವಾರಂಟೈನ್‌ ಆಗಿದ್ದಾರೆ.

‘ನನಗೆ ಸೋಂಕು ತಗುಲಿರುವುದು ಶುಕ್ರವಾರ ಗೊತ್ತಾಗಿದೆ. ಮುಂಜಾಗ್ರತೆಯಾಗಿ ಅಂದಿನಿಂದಲೇ ಕ್ವಾರಂಟೈನ್‌ನಲ್ಲಿದ್ದೇನೆ. ಈಗಾಗಲೇ ನಾಲ್ಕು ದಿನಗಳನ್ನು ಕಳೆದಿದ್ದೇನೆ. ಇನ್ನೂ ನಾಲ್ಕುಗಳನ್ನು ಕಳೆದು ಹುಷಾರಾಗಿ ಹೊರಬರುವೆ. ಯಾರೂ ಭಯಪಡುವ ಅಗತ್ಯವಿಲ್ಲ’ ಎಂದು ಅವರು ವಿಡಿಯೊ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

‘ಸರ್ಕಾರದ ಆದೇಶ ಪಾಲಿಸಲು ಕ್ವಾರಂಟೈನ್‌ ಆಗಿದ್ದೇನೆ. ಇದೇ ಕಾರಣಕ್ಕಾಗಿ ಹುಟ್ಟುಹಬ್ಬವನ್ನು ಕೂಡ ಆಚರಿಸಿಕೊಂಡಿಲ್ಲ. ಇಂತಹಎಷ್ಟೋ ವೈರಸ್‌ಗಳು ಪರಬಂದು ಹೋಗಿವೆ. ಅದೇ ರೀತಿ ಕೊರೊನಾ ಕೂಡ ಹೋಗಲಿದೆ. ಅಲ್ಲಿಯವರೆಗೆ ಜನರು ಸಂಯಮ ಕಾಪಾಡಿಕೊಳ್ಳಬೇಕು. ಅನಾವಶ್ಯಕವಾಗಿ ತಿರುಗಾಡಬಾರದು, ಪರಸ್ಪರ ಅಂತರ ಕಾಯ್ದುಕೊಳ್ಳಬೇಕು, ಮಾಸ್ಟ್‌ ಧರಿಸಬೇಕು ಹಾಗೂ ಸ್ಯಾನಿಟೈಸರ್‌ ಬಳಸಬೇಕು’ ಎಂದು ಸಲಹೆ ನೀಡಿದರು.