ರೈತರ ಹಿತಾಸಕ್ತಿ ಕಾಪಾಡದ ಸಾಲಮನ್ನಾ: ಜಯಚಂದ್ರ

ಪಟ್ಟನಾಯಕನಹಳ್ಳಿ (ಶಿರಾ ತಾ.): ಸರ್ಕಾರದ ಸಾಲಮನ್ನಾ ಘೋಷಣೆ ರೈತರ ಹಿತಾಸಕ್ತಿಯನ್ನು ಕಾಪಾಡುತ್ತಿಲ್ಲ. ಬಾಯಿಮಾತಿನಲ್ಲಿ ಜನಪ್ರಿಯ ಯೋಜನೆ ಘೋಷಿಸಬಹುದೇ ಹೊರತು ಅನುಷ್ಠಾನಕ್ಕೆ ತರಲು ಸಾಧ್ಯವಿಲ್ಲ ಎಂದು ಮಾಜಿ ಸಚಿವ ಟಿ.ಬಿ.ಜಯಚಂದ್ರ ಹೇಳಿದರು.

ಬರಗೂರು ರಂಗಾಪುರ ಗ್ರಾಮದಲ್ಲಿ ಆತ್ಮಹತ್ಯೆ ಮಾಡಿಕೊಂಡ ರೈತ ಗೋಪಾಲಕೃಷ್ಣ ಅವರ ಮನೆಗೆ ಭೇಟಿ ನೀಡಿ ಕುಟುಂಬದ ಸದಸ್ಯರಿಗೆ ಸಾಂತ್ವನ ಹೇಳಿದರು.

ರೈತರ ಬಾಳು ಹಸನಾಗಲು ನೀರಾವರಿ ಯೋಜನೆ ಅವಶ್ಯಕ. ಇದನ್ನು ದೃಷ್ಟಿಯಿರಿಸಿಕೊಂಡು ಮದಲೂರು ಯೋಜನೆ ಅನುಷ್ಠಾನಕ್ಕೆ ತಂದರೂ ಈ ಬಾರಿ ಮದಲೂರು ಕೆರೆಗೆ ನೀರು ಹರಿಸಲು ಮೀನಮೇಷ ಎಣಿಸಲಾಗುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.