ಯಕ್ಷಗಾನ: ಯುರೋಪ್‌ನಲ್ಲೂ ಮಿಂಚು ಹರಿಸಿದ ಜರ್ಮನಿಯ ಯಕ್ಷಮಿತ್ರರು

ಮಂಗಳೂರು: ಕರಾವಳಿ ಕರ್ನಾಟಕದ ಜನಪ್ರಿಯ ಯಕ್ಷಗಾನ ಕಲೆಯು ದೇಶ ಮಾತ್ರವಲ್ಲದೇ ವಿದೇಶಗಳಲ್ಲೂ ಜನಪ್ರಿಯತೆ ಪಡೆಯುತ್ತಿದೆ.

ಜರ್ಮನಿಯಲ್ಲಿರುವ 'ಯಕ್ಷಮಿತ್ರರು' ಯಕ್ಷಗಾನ ತಂಡ ಯುರೋಪ್‌ನಲ್ಲಿ ಕೂಡ ಪ್ರೇಕ್ಷಕರನ್ನು ಸೆಳೆಯುತ್ತಿದೆ.

2018ರಲ್ಲಿ ಫ್ರಾಂಕ್‌ಫರ್ಟ್‌ನಲ್ಲಿ ಸ್ಥಾಪನೆಯಾದ ಯಕ್ಷಮಿತ್ರರು ತಂಡವನ್ನು ಅಪೂರ್ವ ಬೆಳೆಯೂರ್ ಕಟ್ಟಿದ್ದಾರೆ. ಅವರು ಸಾಲಿಗ್ರಾಮ ಯಕ್ಷಗಾನ ತಂಡದೊಂದಿಗೆ ಇದ್ದ ಪ್ರಸಿದ್ಧ ಕಲಾವಿದ ಬೆಳೆಯೂರು ಕೃಷ್ಣಮೂರ್ತಿ ಅವರ ಮಗ. 

2015ರಲ್ಲಿ ಅವರು ಜರ್ಮನಿಗೆ ಸ್ಥಳಾಂತರಗೊಂಡ ನಂತರ, ಅಪೂರ್ವ ಅವರ ಯಕ್ಷಗಾನ ಸಂಪರ್ಕ ಬಲವಾಯಿತು. ಅಲ್ಲಿನ ಜನರಿಗೆ ಈ ಕಲಾ ಪ್ರಕಾರವನ್ನು ಪರಿಚಯಿಸುವ ಸಲುವಾಗಿ ಅವರು ತಮ್ಮ ಸ್ನೇಹಿತ ಅಜೀತ್ ಪ್ರಭು ಅವರೊಂದಿಗೆ ಚರ್ಚಿಸಿದರು.

ಈ ಕಲ್ಪನೆ ಶೀಘ್ರದಲ್ಲೇ ರೂಪುಗೊಂಡು ಯಕ್ಷಮಿತ್ರರು ಜರ್ಮನಿ ಹುಟ್ಟಿಕೊಂಡಿತು. ಈ ತಂಡವು ಐದು ಸದಸ್ಯರನ್ನು ಹೊಂದಿದೆ - ಅಪೂರ್ವ, ಶಶಿಧರ್ ನಾಯರಿ, ಶ್ರೀಹರಿ ಹೊಸಮನೆ, ಪ್ರತೀಕ್ ಹೆಗ್ಡೆ ಬೆಂಗಲೆ ಮತ್ತು ಸುಷ್ಮಾ ರವೀಂದ್ರ. ಇವರೆಲ್ಲರೂ ವಿವಿಧ ವೃತ್ತಿಗಳಲ್ಲಿ ಕೆಲಸ ಮಾಡುತ್ತಿದ್ದು ಯಕ್ಷಗಾನಕ್ಕಾಗಿ ಸಮಯವನ್ನು ಮೀಸಲಿಡುತ್ತಾರೆ.

ಜರ್ಮನಿ, ಫ್ರಾನ್ಸ್, ಸ್ವೀಡನ್, ಪೋಲೆಂಡ್, ಸ್ಪೇನ್ ಮತ್ತು ಡೆನ್ಮಾರ್ಕ್‌ ಸೇರಿದಂತೆ 25 ಪ್ರಮುಖ ನಗರಗಳಲ್ಲಿ ಪ್ರದರ್ಶನ ನೀಡಿದ್ದಾರೆ. ಕಾರ್ಕಳದ ಸಂಜಯ ಬೆಲೆಯೂರ್ ಮತ್ತು ಶಶಿಕಾಂತ್ ಶೆಟ್ಟಿ ಅವರಿಂದ ಎಲ್ಲಾ ಸಾಂಪ್ರದಾಯಿಕ ವೇಷಭೂಷಣಗಳು ಮತ್ತು ಆಭರಣಗಳನ್ನು ಆಮದು ಮಾಡಿಕೊಳ್ಳುತ್ತಾರೆ.

2024ರಿಂದ, ಯಕ್ಷಮಿತ್ರರು ಜರ್ಮನಿ ತಂಡವು ಜರ್ಮನ್ ರಂಗಭೂಮಿಯಲ್ಲಿ ವಾರ್ಷಿಕ ಸಾಂಸ್ಕೃತಿಕ ಕಾರ್ಯಕ್ರಮವಾದ ಯಕ್ಷ ಸಂಕ್ರಾಂತಿಯನ್ನು ಆಯೋಜಿಸಿಕೊಂಡು ಬರುತ್ತಿದೆ.