ಅನ್ಯ ರಾಷ್ಟ್ರಗಳ ಹಕ್ಕು ಗೌರವಿಸಿ

ಟೆಹರಾನ್ (ಎಎಫ್‌ಪಿ): ಪಾಶ್ಚಿಮಾತ್ಯ ರಾಷ್ಟ್ರಗಳು ತನ್ನ ವಿರುದ್ಧ ಬೆದರಿಕೆಯ ದನಿಯಲ್ಲಿ ಮಾತನಾಡುವುದನ್ನು ಕೈಬಿಡಬೇಕು ಎಂದು ಇರಾನ್ ಭಾನುವಾರ ಎಚ್ಚರಿಸಿದೆ.

ತನ್ನ ವಿರುದ್ಧ ಪರಮಾಣು ಚಟುವಟಿಕೆಗಳ ಆರೋಪ ಹೊರಿಸಿ ಪಶ್ಚಿಮದ ರಾಷ್ಟ್ರಗಳು ವಿಧಿಸಿರುವ ದಿಗ್ಬಂಧನದಿಂದಾಗಿ `ಮಾನಸಿಕ ಪರಿಣಾಮ~ ಆಗಿರುವುದನ್ನು ಹೊರತುಪಡಿಸಿ ಮತ್ತಿನ್ನೇನೂ ಆಗಿಲ್ಲ ಎಂದು ರಾಷ್ಟ್ರಾಧ್ಯಕ್ಷ ಮಹಮೂದ್ ಅಹಮದಿನೇಜಾದ್ ಗೇಲಿ ಮಾಡಿದ್ದಾರೆ.

ಅಮೆರಿಕ, ಯೂರೋಪ್ ಮಿತ್ರರಾಷ್ಟ್ರಗಳು ಶಸ್ತ್ರಾಸ್ತ್ರ, ಬಾಂಬ್ ಇತ್ಯಾದಿಗಳ ಬಗ್ಗೆ ಪ್ರಸ್ತಾಪಿಸಿ ಬೆದರಿಸುವ ಬದಲು ಅನ್ಯ ರಾಷ್ಟ್ರಗಳ ಹಕ್ಕುಗಳನ್ನು ಗೌರವಿಸಿ ಅವುಗಳಿಗೆ ಸಹಕಾರ ನೀಡುವುದನ್ನು ಕಲಿಯಬೇಕು ಎಂದು ಆಗ್ರಹಿಸಿದ್ದಾರೆ.