ಅಮೆರಿಕದಲ್ಲಿ 50 ದಶಲಕ್ಷ ಡಾಲರ್ ಹಾನಿ

ಬಾಸ್ಟನ್ (ಪಿಟಿಐ): ಜಪಾನ್ ಭೂಕಂಪದ ಪರಿಣಾಮವಾಗಿ ಕ್ಯಾಲಿಫೋರ್ನಿಯಾದ ಕರಾವಳಿಗೆ ಅಪ್ಪಳಿಸಿದ ಸುನಾಮಿಯಿಂದ 50 ದಶಲಕ್ಷ ಡಾಲರ್ ಹಾನಿ ಸಂಭವಿಸಿದೆ. ಈ ಪ್ರಮಾಣ ಇನ್ನೂ ಹೆಚ್ಚಾಗಬಹುದೆಂದು ಅಂದಾಜು ಮಾಡಲಾಗಿದೆ.

ಕ್ರೆಸೆಂಟ್ ಸಿಟಿ ಮತ್ತು ಸಾಂತಾಕ್ರೂಜ್ ನಗರಗಳ ಬಂದರುಗಳಿಗೆ ಭಾರಿ ಧಕ್ಕೆಯಾಗಿದೆ. ಹಲವುದೋಣಿಗಳು, ಹಡಗುಗಳು ಕೊಚ್ಚಿ ಹೋಗಿವೆ. ಭಾನುವಾರ ಸುನಾಮಿ ಅಲೆಗಳ ಛಾಯಾಚಿತ್ರ ತೆಗೆಯುತ್ತಿದ್ದ ಯುವಕನೊಬ್ಬ ಜಲ ಸಮಾಧಿಯಾಗಿದ್ದಾನೆ.