ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಸ್ಥಾನದಿಂದ ಟಿಲ್ಲರ್‌ಸನ್‌ ವಜಾ: ಡೊನಾಲ್ಡ್‌ ಟ್ರಂಪ್‌

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ವಿದೇಶಾಂಗ ಕಾರ್ಯದರ್ಶಿ ಸ್ಥಾನದಿಂದ ರೆಕ್ಸ್‌ ಟಿಲ್ಲರ್‌ಸನ್‌  ಅವರನ್ನು ಮಂಗಳವಾರ ವಜಾಗೊಳಿಸಿರುವುದಾಗಿ ಘೋಷಿಸಿದ್ದಾರೆ.

‘ವಿದೇಶಾಂಗ ಕಾರ್ಯದರ್ಶಿ ಸ್ಥಾನಕ್ಕೆ ಅಮೆರಿಕದ ಗುಪ್ತಚರ ಸಂಸ್ಥೆ ಸಿಐಎ ನಿರ್ದೇಶಕರಾದ ಮೈಕ್‌ ಪಾಂಪಿಯೊ ನೇಮಿಸಲಾಗಿದೆ. ಸಿಐಎ ನಿರ್ದೇಶಕ ಸ್ಥಾನವನ್ನು ಗಿನಾ ಹಾಸ್ಪೆಲ್‌ ತುಂಬಲಿದ್ದಾರೆ. ಮೊದಲ ಬಾರಿಗೆ ಮಹಿಳೆಯೊಬ್ಬರು ಸಿಐಎ ಅಧಿಕಾರ ವಹಿಸುತ್ತಿದ್ದಾರೆ. ರೆಕ್ಸ್‌ ಟಿಲ್ಲರ್‌ಸನ್‌  ಅವರ ಸೇವೆಗೆ ಧನ್ಯವಾದ’ ಎಂದು ಟ್ರಂಪ್‌ ಟ್ವೀಟ್‌ ಮಾಡಿದ್ದಾರೆ.