ಆತ್ಮಾಹುತಿ ದಾಳಿ: 36 ಮಂದಿ ಸಾವು

ಕುಂದುಜ್ (ಆಫ್ಘಾನಿಸ್ತಾನ): ಆಫ್ಘಾನಿಸ್ತಾನದ ಉತ್ತರ ಭಾಗದಲ್ಲಿನ ಸೇನಾ ನೇಮಕಾತಿ ಕೇಂದ್ರದ ಮೇಲೆ ಸೋಮವಾರ ತಾಲಿಬಾನ್ ಆತ್ಮಾಹುತಿ ದಾಳಿ ನಡೆದಿದ್ದು 36 ಮಂದಿ ಸತ್ತು 42 ಮಂದಿ ಗಾಯಗೊಂಡಿದ್ದಾರೆ. 

ಇರಾಕ್: ಸೇನಾ ನೆಲೆ ಮೇಲೆ ದಾಳಿ- 11 ಸಾವು
ಕನಾನ್ (ಇರಾಕ್) (ಎಎಫ್‌ಪಿ): ಇರಾಕ್‌ನ ದಿಯಾಲಾ ಪ್ರಾಂತ್ಯದ ಕನಾನ್‌ನಲ್ಲಿರುವ ಸೇನಾ ನೆಲೆಯೊಂದರ ಮೇಲೆ ಸೋಮವಾರ ನಡೆದ ಆತ್ಮಹತ್ಯಾ ದಾಳಿಯಲ್ಲಿ 11 ಮಂದಿ ಸಾವನ್ನಪಿದ್ದು, 14 ಜನರಿಗೆ ಗಾಯಗಳಾಗಿವೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

‘ಸ್ಥಳೀಯ ಕಾಲಮಾನ ಬೆಳಿಗ್ಗೆ ಆರು ಗಂಟೆ ಹೊತ್ತಿಗೆ ಆತ್ಮಹತ್ಯಾ ದಾಳಿಕೋರರು ಸ್ಫೋಟಕಗಳನ್ನು ತುಂಬಿದ್ದ ಟ್ರಕ್‌ವೊಂದನ್ನು ಸೇನಾ ನೆಲೆಗೆ ನುಗ್ಗಿಸಿದರು, ಇದರಿಂದ ಸೈನಿಕರ ವಿಶ್ರಾಂತಿ ಗೃಹದ ಕಟ್ಟಡ (ಬ್ಯಾರಕ್) ಸಂಪೂರ್ಣವಾಗಿ ನೆಲ ಸಮವಾಗಿದೆ’ ಎಂದು ಮೂಲಗಳು ಹೇಳಿವೆ.