ಆಹಾರದಲ್ಲಿ ಕ್ಯಾಡ್ಮಿಯಂ: ಕ್ಯಾನ್ಸರ್ ಭಯ

ಹೂಸ್ಟನ್ (ಪಿಟಿಐ): ವಿಷಯುಕ್ತ ಲೋಹ ಕ್ಯಾಡ್ಮಿಯಂ ಅಂಶ ಹೆಚ್ಚಿರುವ ಆಹಾರ ಸೇವಿಸುವ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಪ್ರಮಾಣವೂ ಅಧಿಕ ಎಂದು ಅಧ್ಯಯನ ವರದಿಯೊಂದು ತಿಳಿಸಿದೆ.

`ಅಮೇರಿಕದ ಕ್ಯಾನ್ಸರ್ ಸಂಶೋಧನಾ ಸಂಸ್ಥೆ~ ಈ ವರದಿ ಪ್ರಕಟಿಸಿದೆ. ಋತುಬಂಧವಾದ 55,987 ಮಹಿಳೆಯರಲ್ಲಿ ಈ ಅಧ್ಯಯನ ಕೈಗೊಳ್ಳಲಾಗಿತ್ತು.
 
ಕ್ಯಾಡ್ಮಿಯಂ ಅಂಶವಿರುವ ಆಹಾರ ಸೇವಿಸಿದ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ತಗಲುವ ಪ್ರಮಾಣ ಇತರ ಮಹಿಳೆಯರಿಗಿಂತ ಶೇ 21ರಷ್ಟು ಹೆಚ್ಚಿದೆ ಎಂದು ಈ ವರದಿ ತಿಳಿಸಿದೆ.