ಈಜಿಪ್ಟ್: ಸಂಸತ್ ಅಧ್ಯಕ್ಷರ ಆಯ್ಕೆಗೆ ವೇದಿಕೆ ಸಜ್ಜು

ಕೈರೊ (ಪಿಟಿಐ): `ಮುಸ್ಲಿಂ ಬ್ರದರ್‌ಹುಡ್~ ಪಕ್ಷದ ನಾಯಕ ಮೊಹಮ್ಮದ್ ಸಾದ್ ಅಲ್‌ಕಟಟ್ನಿ ಅವರು ಈಜಿಪ್ಟ್ ಸಂಸತ್‌ನ ಅಧ್ಯಕ್ಷರಾಗಲು ವೇದಿಕೆ ಸಜ್ಜಾಗಿದೆ.

ಕಳೆದ ವರ್ಷ ಸರ್ವಾಧಿಕಾರಿ ಹೋಸ್ನಿ ಮುಬಾರಕ್ ಅವರ ಯುಗಾಂತ್ಯದ ಬಳಿಕ ದೇಶದಲ್ಲಿ ನಡೆದ ಮೊದಲ ಚುನಾವಣೆಯಲ್ಲಿ `ಮುಸ್ಲಿಂ ಬ್ರದರ್‌ಹುಡ್~ ಪಕ್ಷವು ಶೇ 47ರಷ್ಟು ಸ್ಥಾನಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿದೆ.

 1920ರ ದಶಕದ ಆದಿಯಲ್ಲಿ ರಚನೆಯಾದ ಈ ಪಕ್ಷ ಇದೇ ಮೊದಲ ಬಾರಿ ಅಧಿಕಾರದ ಚುಕ್ಕಾಣಿ ಹಿಡಿಯುವ ಲಕ್ಷಣಗಳು ಕಾಣುತ್ತಿವೆ.