ಕಡಲ್ಗಳ್ಳರ ಒತ್ತೆಯಲ್ಲಿ ಡೆನ್ಮಾರ್ಕ್ ಹಡಗು

ಕೋಪೆನ್‌ಹೆಗನ್ (ಐಎಎನ್‌ಎಸ್): ಸುಮಾರು ಏಳು ನಾವಿಕ ಸಿಬ್ಬಂದಿ ಇದ್ದ ಡೆನ್ಮಾರ್ಕ್‌ನ ಹಡಗೊಂದನ್ನು ಸೋಮಾಲಿಯಾ ಕರಾವಳಿ ತೀರದ ಕಡಲ್ಗಳ್ಳರು ಒತ್ತೆಯಾಳಾಗಿ ಇರಿಸಿರುವುದಾಗಿ ಡೆನ್ಮಾರ್ಕ್ ವಿದೇಶಾಂಗ ಸಚಿವಾಲಯ ಸೋಮವಾರ ಸಂಜೆ ತಿಳಿಸಿದೆ. ಈ ಹಡಗಿನಲ್ಲಿ 12ರಿಂದ 16 ವರ್ಷದೊಳಗಿನ ಮೂವರು ಮಕ್ಕಳು, ಅವರ ಪೋಷಕರು ಹಾಗೂ ಇತರ ಇಬ್ಬರು ಯುವ ಸಹಾಯಕರು ಸೇರಿ ಐವರು ಸದಸ್ಯರ ಕುಟುಂಬವೊಂದು ಪ್ರಯಾಣಿಸುತ್ತಿತ್ತು ಎಂದು ‘ಕ್ಸಿನ್ಹುವಾ’ ಸುದ್ದಿಸಂಸ್ಥೆ ಮಂಗಳವಾರ ವರದಿ ಮಾಡಿದೆ.