ಹ್ಯೂಸ್ಟನ್, ಅಮೆರಿಕ: ಕಣ್ಮರೆಯಾಗಿದ್ದ ಭಾರತ ಸಂಜಾತ ಬಾಲಕಿ ಶೆರಿನ್ ಮ್ಯಾಥ್ಯೂಸ್ ಹೋಲುವಂಥ ಬಾಲಕಿಯ ಶವ ಪತ್ತೆಯಾಗಿದೆ ಎಂದು ಟೆಕ್ಸಾಸ್ ಪೊಲೀಸರು ತಿಳಿಸಿದ್ದಾರೆ.
‘ಮೂರು ವರ್ಷದ ಬಾಲಕಿಯ ಶವ ಡಲ್ಲಾಸ್ ಎಕ್ಸ್ಪ್ರೆಸ್ ವೇ ನ ಸುರಂಗ ಮಾರ್ಗದಲ್ಲಿ ಪತ್ತೆಯಾಗಿದೆ. ನಾಪತ್ತೆಯಾಗಿದ್ದ ಬಾಲಕಿಯ ಮನೆಯಿಂದ ಸುಮಾರು ಅರ್ಧ ಕಿ.ಮೀ. ದೂರದಲ್ಲಿ ಈ ಶವ ಪತ್ತೆಯಾಗಿದೆ. ಶವದ ಗುರುತು ಪತ್ತೆಯಾಗಿಲ್ಲ. ಇದು ನಾಪತ್ತೆಯಾಗಿದ್ದ ಬಾಲಕಿಯ ಶವ ಇರಬಹುದು ಎಂಬ ಶಂಕೆ ಇದೆ’ ಎಂದು ಟೆಕ್ಸಾಸ್ ಪೊಲೀಸರು ಹೇಳಿದ್ದಾರೆ.
ವೆಸ್ಲೆ ಮ್ಯಾಥ್ಯೂಸ್ ಎಂಬುವರು ಬಿಹಾರದ ನಳಂದಾದಲ್ಲಿನ ಸ್ವಯಂಸೇವಾ ಸಂಸ್ಥೆಯೊಂದರಿಂದ ಕಳೆದ ವರ್ಷ ಶೆರಿನ್ಳನ್ನು ದತ್ತು ಪಡೆದಿದ್ದರು. ಅಕ್ಟೋಬರ್ 7ರಂದು ಶೆರಿನ್ ಹಾಲು ಕುಡಿಯಲಿಲ್ಲ ಎಂಬ ಕಾರಣಕ್ಕೆ ವೆಸ್ಲೆ ಮ್ಯೂಥ್ಯೂಸ್ ಅವರು ಬೆಳಗಿನ ಜಾವ 3 ಗಂಟೆ ಸುಮಾರಿಗೆ ಆಕೆಯನ್ನು ಮನೆಯಿಂದ ಹೊರಗೆ ನಿಲ್ಲುವ ಶಿಕ್ಷೆ ನೀಡಿದ್ದರು. ಅವರು ಸ್ವಲ್ಪ ಹೊತ್ತಿನ ನಂತರ ಬಂದು ನೋಡಿದಾಗ ಶೆರಿನ್ ನಾಪತ್ತೆಯಾಗಿದ್ದಳು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.