ಚಂದ್ರ ವಾತಾವರಣ ಅಧ್ಯಯನಕ್ಕೆ ನೌಕೆ

ಹ್ಯೂಸ್ಟನ್ (ಪಿಟಿಐ): ಚಂದ್ರನ ವಾತಾವರಣವನ್ನು ಕೂಲಂಕಷವಾಗಿ ಅಧ್ಯಯನ ನಡೆಸುವ ಉದ್ದೇಶದಿಂದ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ `ನಾಸಾ'ವು ಮಾನವರಹಿತ ಗಗನನೌಕೆಯೊಂದನ್ನು ವರ್ಜೀನಿಯಾದಿಂದ ಉಡಾವಣೆ ಮಾಡಿದೆ.


ನಾಸಾದ ಬಾಹ್ಯಾಕಾಶ ಅಧ್ಯಯನ ಯೋಜನೆಯ ಇತಿಹಾಸದಲ್ಲಿ ವರ್ಜೀನಿಯಾದಿಂದ ಗಗನನೌಕೆಯನ್ನು ಉಡಾವಣೆ ಮಾಡುತ್ತಿರುವುದು ಇದೇ ಮೊದಲು.

`ಲಾಡೀ' ಎಂಬ ಹೆಸರಿನ, ಸಣ್ಣ ಕಾರಿನಷ್ಟು ಗಾತ್ರದ ಗಗನನೌಕೆಯನ್ನು ಮಿನೊಟಾರ್ ರಾಕೆಟ್ ಮೂಲಕ ವಾಲ್ಲೊಪ್ಸ್ ದ್ವೀಪದಿಂದ ಶುಕ್ರವಾರ ಮಧ್ಯರಾತ್ರಿ ಚಂದ್ರನತ್ತ ಹಾರಿಬಿಡಲಾಯಿತು. ಈ ನೌಕೆಯು ಚಂದ್ರನ ಪರಿಸರ ಮತ್ತು ಅಲ್ಲಿರುವ ದೂಳಿನ ಅಧ್ಯಯನ ಮಾಡಲಿದೆ.

`ಲಾಡೀ' ನೌಕೆಯು ಒಂದು ತಿಂಗಳ ಬಳಿಕ ಚಂದ್ರನಲ್ಲಿಗೆ ತಲುಪಲಿದೆ. (ಸಾಮಾನ್ಯವಾಗಿ ಅಪೋಲೊ ಗಗನನೌಕೆಗಳು ಮೂರುದಿನಗಳಲ್ಲಿ ಚಂದ್ರನಲ್ಲಿಗೆ ತಲುಪುತ್ತವೆ.) ಅಕ್ಟೋಬರ್ 8ರಂದು ನೌಕೆ ಚಂದ್ರನನ್ನು ಸ್ಪರ್ಶಿಸುವ ನಿರೀಕ್ಷೆ ಇದೆ. ನೌಕೆಯು ಆರು ತಿಂಗಳ ಕಾಲ ಚಂದ್ರನ ವಾತಾವರಣ ಅಧ್ಯಯನ ನಡೆಸಿ ಭೂಮಿಗೆ ಮಾಹಿತಿ ರವಾನಿಸಲಿದೆ.