ಚಲಿಸುತ್ತಿದ ಕಾರಿನ ಮೇಲೆ ಬಿದ್ದ ಕ್ರೇನ್‌: ಪವಾಡ ಸದೃಶ ರೀತಿ ಪಾರಾದ ಚಾಲಕ

ಬೀಚಿಂಗ್‌: ದಕ್ಷಿಣ ಚೀನಾದ ಗುವಾಂಗ್ಡಾಂಗ್ ಪ್ರದೇಶದಲ್ಲಿ ಚಲಿಸುತ್ತಿದ ಕಾರಿನ ಮೇಲೆ ಕ್ರೇನ್‌ ಏಕಾಏಕಿಯಾಗಿ ಮುರಿದು ಬಿದಿದ್ದು, ಕಾರಿನ ಚಾಲಕ ಕೂದಲೆಳೆ ಅಂತರದಲ್ಲಿ ಸಾವಿನ ದವಡೆಯಿಂದ ಪಾರಾಗಿದ್ದಾನೆ.

ಕ್ರೇನ್‌ ಬಿದ್ದ ರಭಸಕ್ಕೆ ಕಾರು ಕ್ಷಣ ಮಾತ್ರದಲ್ಲಿ ಅಪ್ಪಚ್ಚಿಯಾಗಿದೆ. ಇದೀಗ ಘಟನೆಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಚಾಲಕನ ಪ್ರಾಣಕ್ಕೆ ತೊಂದರೆ ಇಲ್ಲವಾದರೂ ಬಲಗಾಲಿನ ಪಾದಕ್ಕೆ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.

ಘಟನೆ ಕುರಿತು ಪ್ರಕರಣ ದಾಖಲಿಸಿಕೊಂಡಿರುವ ಸ್ಥಳೀಯ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.