ಚಾರ್ಲ್ಸ್‌ ಶೋಭ್‌ರಾಜ್‌ಗೆ ಕಗ್ಗಂಟು
ಕಠ್ಮಂಡು (ಪಿಟಿಐ): ಕುಖ್ಯಾತ ಕೊಲೆಗಾರ ಚಾರ್ಲ್ಸ್‌ ಶೋಭ್‌ರಾಜ್‌ (70) ಜೈಲಿನಿಂದ ಬಿಡುಗಡೆ ನಿರೀಕ್ಷೆಯಲ್ಲಿರುವಾಗಲೇ ನೇಪಾಳ ಪೊಲೀ-ಸರು ಆತನ ಮೇಲೆ ಮತ್ತೊಂದು ಕೊಲೆ ಮೊಕದ್ದಮೆ ದಾಖಲಿಸಿದ್ದಾರೆ. ಕೆನಡಾದ ಪ್ರವಾಸಿಯೊಬ್ಬನ ಕೊಲೆಗೆ ಸಂಬಂಧಿಸಿದಂತೆ ಶೋಭ್‌ರಾಜ್‌ ಹೇಳಿಕೆ ಪಡೆದುಕೊಂಡಿರುವ ಪೊಲೀಸರು, ಭಕ್ತಪುರ ಜಿಲ್ಲಾ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಅಮೆರಿಕ ಮಹಿಳೆಯ ಕೊಲೆ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆಗೆ ಒಳಗಾಗಿ ಇಲ್ಲಿನ ಕೇಂದ್ರ ಕಾರಾಗೃಹದಲ್ಲಿರುವ ಶೋಭ್‌ರಾಜ್‌, ಈಗಾಗಲೇ ಶಿಕ್ಷೆಯ ಅರ್ಧದಷ್ಟು ದಿನಗಳನ್ನು ಜೈಲಿನಲ್ಲಿ ಕಳೆದಿದ್ದಾನೆ. ವಯಸ್ಸಾಗಿರುವುದರಿಂದ ಶಿಕ್ಷೆಯ ಪ್ರಮಾಣ ಕಡಿಮೆಯಾಗಿ ಬೇಗ ಬಿಡುಗಡೆಯಾಗುವ ನಿರೀಕ್ಷೆ ಇತ್ತು. ಆದರೆ ಹೊಸ ಪ್ರಕರಣ ದಾಖಲಾದ ಕಾರಣ ಬಿಡುಗಡೆ ಸಾಧ್ಯತೆ ಕಡಿಮೆಯಾಗಲಿವೆ ಎಂದು ಪೊಲೀಸರು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.