ಪುರುಷರಿಗೆ ಕತ್ತಲಲ್ಲಿಯೇ ರತಿ ಕ್ರೀಡೆ ಯಾಕಿಷ್ಟ?

ಲಂಡನ್‌ (ಐಎಎನ್‌ಎಸ್‌): ಬೆಳಕಿನಲ್ಲಿ ರತಿಕ್ರೀಡೆ ನಡೆಸುವುದು ಬಹುತೇಕ ಪುರುಷರಿಗೆ ಇಷ್ಟವಾಗು­ವುದಿಲ್ಲ, ಕಾಮ­ಕೂಟಕ್ಕೆ ಕತ್ತಲು ಇದ್ದರೇನೆ ಚೆನ್ನ. ಅದ್ಯಾಕೆ ಹೀಗೆ ಎಂಬುದನ್ನು ತಿಳಿಯುವ ಯತ್ನ­ವನ್ನು ಬಹುಶಃ ಇದುವರೆಗೆ ಯಾರೂ ಮಾಡಿರಲಿಕ್ಕಿಲ್ಲ,  ಈ ಬಗ್ಗೆ ನಡೆಸಿದ ಹೊಸ ಸಂಶೋಧನೆಯೊಂದು ಈ ಕುತೂಹಲದ ಮೇಲೆ ಬೆಳಕು ಚೆಲ್ಲಿದೆ.

ರತಿಕ್ರೀಡೆಯಲ್ಲಿ ತೊಡಗಿದಾಗ ತನ್ನ ಡೊಳ್ಳು ಹೊಟ್ಟೆಯನ್ನು ಸಂಗಾತಿಗೆ ತೋರಿಸುವುದು ಗಂಡಸಿಗೆ ಮುಜುಗರದ ಸಂಗತಿ. ಹಾಗಾಗಿ ಆತ ಕತ್ತಲನ್ನೇ ಆಯ್ದು ಕೊಳ್ಳುತ್ತಾನೆ ಎಂದು ಬ್ರಿಟನ್‌ ‘ಡಯಟ್‌ ಚೆಫ್‌’ ಸಂಸ್ಥೆಯ ವರದಿ ತಿಳಿಸಿದೆ.

20ರಿಂದ30 ಪ್ರಾಯದೊಳಗಿನ 1,077 ಬ್ರಿಟನ್‌ ಪುರುಷರನ್ನು ಅಧ್ಯ­ಯನಕ್ಕೆ ಬಳಸಿಕೊಳ್ಳಲಾಗಿದ್ದು ಇವರಲ್ಲಿ ಬಹುತೇಕರು ಲೈಂಗಿಕ ಕ್ರಿಯೆಯಲ್ಲಿ ತೊಡ­ಗಿದ ಸಂದರ್ಭ ತಮ್ಮ ದೇಹ ಕಾಣಿಸ­ದಂತೆ ಕತ್ತಲು ಪರಿಸರವನ್ನೇ ಆಯ್ದು­ಕೊಳ್ಳುತ್ತೇವೆ’ ಎಂದು ತಿಳಿಸಿದ್ದಾರೆ ಎಂದು ವರದಿ ಹೇಳಿದೆ.

ಕಾಮಕೂಟದಲ್ಲಿ ತೊಡಗಿದ್ದಾಗ ಹೊಟ್ಟೆಯದ್ದೇ ದೊಡ್ಡ ಸಮಸ್ಯೆ, ಇಡೀ ದೇಹದಲ್ಲಿ ಅತಿ ಕಡಿಮೆ ಆದ್ಯತೆ ಕೊಡುವ ಭಾಗ ಇದೇ ಆಗಿದೆ ಎಂದು ಶೇ 64 ರಷ್ಟು ಬ್ರಿಟಿಷ್‌ ಜನ ತಿಳಿಸಿದ್ದರೆ, ತಾವು ಹೆಚ್ಚು ತೂಕ ಹೊಂದಿದ್ದೇವೆ ಎಂದು ಶೇ 45 ರಷ್ಟು ಜನರು ತಿಳಿಸಿದರು.

ಲೈಂಗಿಕತೆ ಕುರಿತು ಈಚೆಗೆ ಜಾಗತಿಕ ಕಾಂಡೊಮ್‌ ಕಂಪೆನಿ ಡ್ಯೂರೆಕ್‌್ಸ ಈ ವಾರ ಸಮೀಕ್ಷಾ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, ಸಂಗಾತಿಗಳ ನಡು­ವಣ ಸುರಕ್ಷಿತ ಲೈಂಗಿಕ ಸಂಪರ್ಕಕ್ಕೆ ತಂತ್ರಜ್ಞಾನದ ಬಳಕೆ ವ್ಯತಿರಿಕ್ತ ಪರಿಣಾಮ ಬೀರುತ್ತಿದೆ ಎಂದೂ ತಿಳಿಸಿದೆ.