ಬಾಂಬ್ ಸ್ಫೋಟ: 19 ಸಾವು

ಬಾಗ್ದಾದ್ (ಐಎಎನ್‌ಎಸ್): ಇರಾಕ್‌ನ ವಿವಿಧ ಭಾಗಗಳಲ್ಲಿರುವ ಮೂರು ಶಿಯಾ ಮಸೀದಿಗಳ ಬಳಿ ಮಂಗಳವಾರ ಕಾರ್ ಬಾಂಬ್ ಸ್ಫೋಟ ಸಂಭವಿಸಿದ್ದು, ಒಟ್ಟು 19 ಜನರು ಮೃತಪಟ್ಟು 72 ಜನರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಅಲ್-ಶು ಜಿಲ್ಲೆಯ ಶಿಯಾ ಮಸೀದಿಯೊಂದರ ಸಮೀಪ ಬಾಂಬ್ ಸ್ಫೋಟ ನಡೆದಿದ್ದು ಎಂಟು ಜನರು ಮೃತಪಟ್ಟು, 21 ಜನರು ಗಾಯಗೊಂಡಿದ್ದಾರೆ. ಬಾಗ್ದಾದ್‌ನ ಮತ್ತೊಂದು ಸ್ಥಳದಲ್ಲಿರುವ ಶಿಯಾ ಮಸೀದಿಯ ಬಳಿ ಸಂಭವಿಸಿದ ಸ್ಫೋಟದಲ್ಲೂ ಆರು ಜನರು ಮೃತಪಟ್ಟು, 32 ಜನರು ಗಾಯಗೊಂಡಿದ್ದಾರೆ. ಹುರಿಯಾ ಜಿಲ್ಲೆಯ ಮಸೀದಿ ಬಳಿ ದುಷ್ಕರ್ಮಿಗಳು ಬಾಂಬ್ ಸ್ಫೋಟ ನಡೆಸಿದ್ದು ಐದು ಜನರು ಸಾವನ್ನಪ್ಪಿ, 19 ಜನರು ಗಾಯಗೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.