ಬಿಜೆಪಿ ಗೆಲುವಿಗೆ ಲಂಡನ್‌ನಲ್ಲಿ ವಿಜಯೋತ್ಸವ

ಲಂಡನ್‌ (ಪಿಟಿಐ): ಲೋಕಸಭೆ ಚುನಾ­ವಣೆಯಲ್ಲಿ ಬಿಜೆಪಿ ಪ್ರಚಂಡ ಬಹುಮತ­ದಿಂದ ಜಯ ಸಾಧಿಸಿರುವು­ದ­ರಿಂದ ಇಲ್ಲಿಯ ಬಿಜೆಪಿ ಬೆಂಬಲಿಗರು ಅನೇಕ ಕಾರ್ಯಕ್ರಮಗಳನ್ನು ಏರ್ಪಡಿಸಿ ಸಂಭ್ರಮಿಸಿದರು.

ಲಂಡನ್, ಕಾರ್ಡಿಫ್, ಲೀಡ್‌್ಸ, ಬರ್ಮಿಂಗ್‌ಹ್ಯಾಮ್ ಮತ್ತು ಲೈಸಿಸ್ಟರ್ ನಗರಗಳಲ್ಲಿ ಚುನಾವಣೆ ಫಲಿತಾಂಶ­ವನ್ನು ವಾಹಿನಿಗಳಲ್ಲಿ ವೀಕ್ಷಿಸುತ್ತಿದ್ದ ಬಿಜೆಪಿ ಬೆಂಬಲಿಗರು ಅಲ್ಲೇ ಕಾರ್ಯ­ಕ್ರಮ ಏರ್ಪಡಿಸಿ ಸಂಭ್ರಮಪಟ್ಟರು.

ಕ್ವೀನ್‌್ಸಬರಿ ಪ್ರದೇಶದ ಭಾರತೀಯ ಹೋಟೆಲ್‌­ವೊಂದರಲ್ಲಿ ಭಾರ­ತೀಯರು ಅದರಲ್ಲೂ ಗುಜರಾತಿ ಮೂಲದ ಬಿಜೆಪಿ ಬೆಂಬಲಿ­ಗರು ಕಿಕ್ಕಿರಿದು ಸೇರಿದ್ದರು. ಹಾಡು, ನೃತ್ಯ, ಘೋಷಣೆಯ ಮೂಲಕ ವಿಜಯೋತ್ಸವ ಆಚರಿಸಿದರು.

ಬ್ರಿಟನ್‌ಗೆ ಅಧಿಕೃತ ಭೇಟಿ ನೀಡುವಂತೆ ಪ್ರಧಾನಿ ಡೆವಿಡ್ ಕ್ಯಾಮೆರಾನ್ ಅವರು ಮೋದಿ ಅವರನ್ನು ಆಹ್ವಾನಿಸಿರು­ವುದನ್ನು ಭಾರತೀಯ ಸಂಜಾತರು ಮೆಚ್ಚಿದ್ದಾರೆ.