ಭಾರತ- ಚೀನಾ ಗಡಿ: ಜಾರಿಗೊಂಡ ಸಮನ್ವಯ ವ್ಯವಸ್ಥೆ

ಬೀಜಿಂಗ್ (ಪಿಟಿಐ): ವಿವಾದಿತ ಗಡಿ ಪ್ರದೇಶದಲ್ಲಿ ಸಂಘರ್ಷ ತಡೆಯುವ ಉದ್ದೇಶದಿಂದ ರಚಿಸಲಾಗಿರುವ ಭಾರತ ಮತ್ತು ಚೀನಾ ಗಡಿ ಸಮನ್ವಯ  ವ್ಯವಸ್ಥೆಯು ಮಂಗಳವಾರದಿಂದ ಜಾರಿಯಾಗಿದೆ. 

 ಜನವರಿಯಲ್ಲಿ ದೆಹಲಿಯಲ್ಲಿ ನಡೆದ 15ನೇ ಸುತ್ತಿನ ದ್ವಿಪಕ್ಷೀಯ ಮಾತುಕತೆಯಲ್ಲಿ ಗಡಿ ಸಮನ್ವಯ ವ್ಯವಸ್ಥೆ ರಚನೆಯ ಬಗ್ಗೆ ಒಪ್ಪಿಕೊಳ್ಳಲಾಗಿತ್ತು.

ವಿವಾದಿತ ಗಡಿ ಪ್ರದೇಶದಲ್ಲಿ ಕಾವಲು ನಡೆಸುವಾಗ ಸೈನಿಕರ ಮಧ್ಯೆ ಯಾವುದೇ ಸಂಘರ್ಷ ನಡೆಯಬಾರದು ಎಂಬ ಉದ್ದೇಶದಿಂದ ಗಡಿ ಸಮನ್ವಯ ವ್ಯವಸ್ಥೆಗೆ ಒಪ್ಪಿಕೊಳ್ಳಲಾಗಿತ್ತು ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಗಡಿ ನಕ್ಷೆಯ ಬಗ್ಗೆ ಇರುವ ಭಿನ್ನಾಭಿಪ್ರಾಯಗಳನ್ನು ಹೋಗಲಾಡಿಸಲು ಉಭಯ ರಾಷ್ಟ್ರಗಳ ವಿಶೇಷ ಪ್ರತಿನಿಧಿಗಳು 15 ಸುತ್ತಿನ ಮಾತಕತೆ ನಡೆಸಿದ್ದಾರೆ.