ವಿಶ್ವದ ಹಳೇ ಫೆರಾರಿ ಅನಾವರಣ

ಲಂಡನ್ (ಪಿಟಿಐ):  ಜಗತ್ತಿನ ಅತ್ಯಂತ ಹಳೆಯ, 1947ರ ಟ್ಯುರಿನ್ ಗ್ರ್ಯಾನ್ ಪ್ರಿನಲ್ಲಿ ಜಯಶಾಲಿಯಾಗಿದ್ದ ಫೆರಾರಿ ಕಾರನ್ನು ದುರಸ್ತಿಗೊಳಿಸಿದ ಬಳಿಕ ಮೊದಲ ಬಾರಿಗೆ ಪ್ರದರ್ಶನಕ್ಕೆ ಇಡಲಾಗಿದೆ. 

 ಈ ಫೆರಾರಿ ಬೆಲೆ 80 ಲಕ್ಷ ಡಾಲರ್ (ಸುಮಾರು 44 ಕೋಟಿ ರೂಪಾಯಿ) ಎಂದು ಅಂದಾಜಿಸಲಾಗಿದೆ. ಎಂಜೊ ಫೆರಾರಿ ಕಂಪೆನಿ ತಯಾರಿಸಿರುವ 166-ಸ್ಪೈಡರ್ ಕೋರ್ಸಾ ಕಾರನ್ನು ಎರಡನೇ ಮಹಾಯುದ್ಧದ ನಂತರ ತಯಾರಿಸಲಾಗಿದೆ. ಕ್ಯಾಲಿಫೋರ್ನಿಯಾದ ನಿವಾಸಿ ಜಿಮ್ ಗ್ಲಿಕೆನ್ಹಾಸ್ ಎಂಬುವರ ಬಳಿ ಇದ್ದ ಈ ಕಾರನ್ನು 5 ಲಕ್ಷ ಡಾಲರ್‌ಗೆ ಖರೀದಿಸಲಾಗಿದೆ ಎಂದು `ಡೈಲಿ ಮೇಲ್~ ವರದಿ ಮಾಡಿದೆ.