ವೀಸಾ ವಿಳಂಬ: ಒಬಾಮ ಮಧ್ಯಪ್ರವೇಶಕ್ಕೆ ಮನವಿ

ವಾಷಿಂಗ್ಟನ್ (ಪಿಟಿಐ): ಎಲ್1 ಉದ್ಯೋಗ ವೀಸಾ ವಿಳಂಬದಿಂದ ಉಂಟಾಗಿರುವ ಸಮಸ್ಯೆ ಬಗೆಹರಿಸಬೇಕೆಂದು ಕೋರಿ ಭಾರತ ಹಾಗೂ ಅಮೆರಿಕದ ಐಟಿ ಕಂಪೆನಿಗಳು ಅಧ್ಯಕ್ಷ ಬರಾಕ್ ಒಬಾಮ ಅವರಿಗೆ ಪತ್ರ ಬರೆದಿವೆ.

`ಉದ್ಯೋಗಿಗಳನ್ನು ವಿದೇಶಗಳಿಂದ ಅಮೆರಿಕದ ಕಚೇರಿಗೆ ವರ್ಗಾವಣೆ ಮಾಡಿಕೊಳ್ಳುವ ಸಲುವಾಗಿ  `ಎಲ್1 ವೀಸಾ ಅರ್ಜಿಗಳನ್ನು ನಿರಾಕರಿಸುವ ಮೂಲಕ ವಲಸೆ ಅಧಿಕಾರಿಗಳು ಕಾನೂನಿನ ಎಲ್ಲೆ ಮೀರ್ದ್ದಿದಾರೆ.  ವೀಸಾ ವಿಳಂಬದಿಂದ ಕಂಪೆನಿಗಳ ವ್ಯವಹಾರಗಳು ಹಾಗೂ ಅಮೆರಿಕದ ಆರ್ಥಿಕ ವ್ಯವಸ್ಥೆಯ ಮೇಲೂ ಪ್ರತಿಕೂಲ ಪರಿಣಾಮ ಉಂಟಾಗುತ್ತದೆ~ ಎಂದಿವೆ.