ಸನಾ ವಿಮಾನ ನಿಲ್ದಾಣ ಬಂದ್

ಸನಾ (ಎಎಫ್‌ಪಿ): ಯೆಮೆನ್ ಮಾಜಿ ಅಧ್ಯಕ್ಷ ಅಲಿ ಅಬ್ದುಲ್ಲ ಸಲೆಹ ಅವರಿಗೆ ನಿಷ್ಠರಾಗಿರುವ ಸೇನಾ ಪಡೆಗಳ ಬೆದರಿಕೆಯಿಂದಾಗಿ ಇಲ್ಲಿಯ ವಿಮಾನ ನಿಲ್ದಾಣವನ್ನು ಶನಿವಾರ ಬಂದ್ ಮಾಡಲಾಯಿತು.

ಸಲೆಹ ಅವರ ಸಹೋದರ, ವಾಯುಪಡೆ ಮುಖ್ಯಸ್ಥ ಮಹಮ್ಮದ್ ಸಲೆಹ ಹಾಲಿ ಅಧ್ಯಕ್ಷ ಅಬ್ದುಲ್ ರಬ್ ಮನ್ಸೂರ್ ಹಾದಿ ಅವರಿಂದ ಪದಚ್ಯುತಗೊಂಡಿದ್ದರೂ ಅಧಿಕಾರದಿಂದ ಕೆಳಗಿಳಿಯಲು ನಿರಾಕರಿಸಿದ್ದು, ಅವರಿಗೆ ನಿಷ್ಠರಾದ ಪಡೆಗಳು ವಿಮಾನ ನಿಲ್ದಾಣ ಸುತ್ತುವರೆದಿವೆ. ಹೀಗಾಗಿ ವಿಮಾನಯಾನ ಸೇವೆ ಸ್ಥಗಿತಗೊಂಡಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.