ಹಗುರ ಆಕಾಶಗಂಗೆ ಪತ್ತೆ

ನ್ಯೂಯಾರ್ಕ್ (ಪಿಟಿಐ): ಮಬ್ಬುಮಬ್ಬಾದ ಒಂದು ಸಾವಿರ ತಾರೆಗಳ ಸಮೂಹದ ಕುಬ್ಜ ಆಕಾಶಗಂಗೆಯೊಂದು ಕ್ಷೀರಪಥದಲ್ಲಿ ಪತ್ತೆಯಾಗಿದೆ. ಇದು ಇದುವರೆಗೂ ಗುರುತಿಸಿರುವ ಆಕಾಶಗಂಗೆಗಳಲ್ಲೇ ಅತ್ಯಂತ ಹಗುರವಾದುದು ಎಂದು ಖಗೋಳ ವಿಜ್ಞಾನಿಗಳ ತಂಡ ಹೇಳಿದೆ.

ಈ  ಕುಬ್ಜ ಆಕಾಶಗಂಗೆಯನ್ನು `ಸೆಗ್ವೇ-2' ಎಂದು ಗುರುತಿಸಲಾಗಿದ್ದು, ಇದನ್ನು `ಇಲಿಗಿಂತ ಚಿಕ್ಕದಾದ ಆನೆ'ಗೆ  ಹೋಲಿಸಲಾಗಿದೆ.

ಕ್ಯಾಲಿಫೋನಿರ್ಯಾ ವಿಶ್ವವಿದ್ಯಾಲಯದ ಖಗೋಳ ವಿಜ್ಞಾನಿಗಳ ತಂಡ ಈ ಸಂಶೋಧನೆ ಮಾಡಿದ್ದು, ಈ ತಂಡದಲ್ಲಿ ಭಾರತ ಮೂಲದ ಮನೋಜ್ ಕಪ್ಲಿನ್‌ಘಾಟ್ ಕೂಡ ಇದ್ದಾರೆ. ಈ ಸಂಶೋಧನೆಯು ಖಗೋಳ ವಿಜ್ಞಾನಕ್ಕೆ ಸಂಬಂಧಿಸಿದ ನಿಯತಕಾಲಿಕೆಯೊಂದರಲ್ಲಿ ಪ್ರಕಟವಾಗಿದೆ.