ಚೀನಾ ಕಬ್ಬಿಣದ ಗಣಿಯಲ್ಲಿ ಪ್ರವಾಹ: 14 ಮಂದಿ ಸಾವು, ಒಬ್ಬ ನಾಪತ್ತೆ

ಬೀಜಿಂಗ್‌: ಈ ತಿಂಗಳ ಆರಂಭದಲ್ಲಿ ಕಬ್ಬಿಣದ ಗಣಿಯಲ್ಲಿ ಸಂಭವಿಸಿದ ಪ್ರವಾಹದಿಂದ ಒಟ್ಟು 14 ಮಂದಿ ಮೃತಪಟ್ಟಿದ್ದಾರೆ. ಒಬ್ಬ ವ್ಯಕ್ತಿ ನಾಪತ್ತೆಯಾಗಿದ್ದಾರೆ ಎಂದು ಚೀನಾದ ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.

ಸೆಪ್ಟೆಂಬರ್‌ 2ರಂದು ಸಂಭವಿಸಿದ ಪ್ರವಾಹಕ್ಕೆ ಕಾರಣವೇನು ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಶೋಧ ಹಾಗೂ ರಕ್ಷಣಾ ಕಾರ್ಯಾಚರಣೆ ಕೊನೆಗೊಂಡಿದೆ ಎಂದು ಟಾಂಗ್ಶಾನ್‌ ಸಿಟಿ ಸರ್ಕಾರ ಹೇಳಿಕೆ ಬಿಡುಗಡೆ ಮಾಡಿದೆ.

ಇದುಕಬ್ಬಿಣದ ಅದಿರು ಮತ್ತು ಉಕ್ಕು ತಯಾರಕ ಪ್ರಮುಖ ಗಣಿಯಾಗಿದ್ದು, ಬೀಜಿಂಗ್‌ನ ಪೂರ್ವಕ್ಕೆ160 ಕಿ.ಮೀ (100 ಮೈಲು) ದೂರದಲ್ಲಿರುವ ಹೆಬೈ ಪ್ರಾಂತ್ಯದಲ್ಲಿದೆ.