ಅಮೆರಿಕ| ನ್ಯೂ ಒರ್ಲಿಯಾನ್ಸ್‌ಗೆ ಅಪ್ಪಳಿಸಿದ ಇಡಾ ಚಂಡಮಾರುತ: ಒಂದು ಸಾವು

ನ್ಯೂ ಒರ್ಲಿಯಾನ್ಸ್‌(ಅಮೆರಿಕ): ಅಮೆರಿಕದ ನ್ಯೂ ಒರ್ಲಿಯಾನ್ಸ್‌ ಕರಾವಳಿ ತೀರದುದ್ದಕ್ಕೂ ಭಾನುವಾರ ‘ಇಡಾ‘ ಚಂಡಮಾರುತ ಅಪ್ಪಳಿಸಿದ ಪರಿಣಾಮ, ಒಬ್ಬರು ಸಾವನ್ನಪ್ಪಿದ್ದಾರೆ ಎಂದು ‌ಲೂಯಿಸಿಯಾನದ ಶೆರಿಫ್ ಕಚೇರಿ ತಿಳಿಸಿದೆ.

ಅಸೆನ್ಶನ್ ಪ್ಯಾರಿಷ್ ಶೆರಿಫ್ ಕಚೇರಿ ತನ್ನ ಫೇಸ್‌ಬುಕ್‌ ಖಾತೆಯಲ್ಲಿ ಈ ವಿಷಯವನ್ನು ತಿಳಿಸಿದೆ. ‘ಚಂಡಮಾರುತ ಅಪ್ಪಳಿಸಿದ ನಂತರ ಲೂಸಿಯಾನಾದ ರಾಜಧಾನಿ ಬ್ರಾಟನ್‌ ರೂಜ್‌ನ ಉಪ ನಗರ ಪ್ರೈರಿವಿಲ್ಲೆಯಲ್ಲಿರುವ ಮನೆಯ ಮೇಲೆ ಮರ ಬಿದ್ದು, ಮನೆಯಲ್ಲಿದ್ದ ವ್ಯಕ್ತಿ ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ದೃಢಪಡಿಸಿದ್ದಾರೆ.