ಅಮೆರಿಕ: ಭಾರತೀಯ ಸಂಜಾತ ಟೆಕ್ಕಿ ಕೊಲೆ

ವಾಷಿಂಗ್ಟನ್‌: ಅಮೆರಿಕದಲ್ಲಿ ಡಿಜಿಟಲ್‌ ಮಾರ್ಕೆಟಿಂಗ್‌ ಕಂಪನಿ (ಅತ್ರೆನೆಟ್‌ ಇಂಕ್‌) ಮಾಲೀಕ ಭಾರತೀಯ ಸಂಜಾತ ತುಷಾರ್‌ ಅತ್ರೆ (50) ಅವರು ಅಪಹರಣಗೊಂಡ ಕೆಲವೇ ಗಂಟೆಗಳಲ್ಲಿ, ಅವರ ಗೆಳತಿಯ ಕಾರಿನ ಸಮೀಪವೇ ಶವವಾಗಿ ಪತ್ತೆಯಾಗಿದ್ದಾರೆ.

ಕೋಟ್ಯಧಿಪತಿ, ಟೆಕಿ ತುಷಾರ್‌ ಅವರು ಕ್ಯಾಲಿಫೋರ್ನಿಯಾದ ತಮ್ಮ ಮನೆಯಲ್ಲಿ ಮಂಗಳವಾರ ಇದ್ದಾಗ, ನುಗ್ಗಿದ ದುಷ್ಕರ್ಮಿಗಳು ಅವರ ಗೆಳತಿಯ ಕಾರಿನಲ್ಲಿ ತುಷಾರ್‌ ಅವರನ್ನು ಅಪಹರಿಸಿದ್ದರು ಎಂದು ‘ಲಾಸ್‌ ಏಂಜಲೀಸ್‌ ಟೈಮ್ಸ್‌’ ವರದಿ ಮಾಡಿದೆ. ಕಳವಾಗಿದ್ದ ಕಾರು ಪತ್ತೆಯಾಗಿದ್ದು, ಸಮೀಪದಲ್ಲೇ ತುಷಾರ್‌ ಅವರ ಶವವೂ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.