ವಾಷಿಂಗ್ಟನ್: ಪಾಕಿಸ್ತಾನವು ಎಫ್–16 ಯುದ್ಧ ವಿಮಾನಗಳನ್ನು ಕೊಳ್ಳಲು ಅಮೆರಿಕ 3,644 ಕೋಟಿ (45 ಕೋಟಿ ಡಾಲರ್) ಹಣಕಾಸಿನ ನೆರವು ನೀಡುತ್ತಿರುವುದು ಭಾರತದ ವಿರುದ್ಧ ನೀಡುತ್ತಿರುವ ಸಂದೇಶ ಅಲ್ಲ. ಬದಲಾಗಿಪಾಕಿಸ್ತಾನದೊಂದಿಗೆ ಅಮೆರಿಕ ಹೊಂದಿರುವ ರಕ್ಷಣಾ ಪಾಲುದಾರಿಕೆಯ ಭಾಗವಾಗಿ ಭಯೋತ್ಪಾದನೆ ನಿಗ್ರಹ ಮತ್ತು ಪರಮಾಣು ಭದ್ರತೆಯ ಉದ್ದೇಶವನ್ನು ಹೊಂದಿದೆ ಎಂದು ಅಮೆರಿಕ ಸ್ಪಷ್ಟಪಡಿಸಿದೆ.
‘ಪಾಕಿಸ್ತಾನಕ್ಕೆ ಹಣಕಾಸಿನ ನೆರವು ನೀಡುತ್ತಿರುವುದು ಭಾರತವು ರಷ್ಯಾ ಜೊತೆ ಹೊಂದಿರುವ ಸಂಬಂಧದ ವಿರುದ್ಧದ ಪ್ರತಿಕ್ರಿಯೆ ಅಲ್ಲ’ ಎಂದು ಇಂಡೊ–ಪೆಸಿಫಿಕ್ ಭದ್ರತಾ ಇಲಾಖೆಯ ಸಹ ಕಾರ್ಯದರ್ಶಿ ಡಾ.ಎಲೆ ರ್ಯಾಟ್ನರ್ ಅವರು ತಿಳಿಸಿದ್ದಾರೆ.
ಪಾಕಿಸ್ತಾನ ಎಫ್-16 ಯುದ್ಧ ವಿಮಾನಗಳನ್ನು ಕೊಳ್ಳಲು 3,644 ಕೋಟಿ ಹಣಕಾಸಿನ ನೆರವು ನೀಡಲು ಅಮೆರಿಕ ಸೆ.8ರಂದು ಅನುಮೋದನೆ ನೀಡಿತ್ತು. ಈ ಸಂಬಂಧರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಅವರೊಂದಿಗೆ ದೂರವಾಣಿ ಕರೆ ಮಾಡಿ ಭಾರತದ ಕಳವಳವನ್ನು ವಿವರಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.