'ಹವಾಮಾನ ಮತ್ತು ಇಂಧನ' ತಂಡದ ಪ್ರಮುಖರ ಹೆಸರು ಪ್ರಕಟಿಸಿದ ಬೈಡನ್‌

ವಾಷಿಂಗ್ಟನ್‌: ಅಮೆರಿಕದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಆಯ್ಕೆಯಾಗಿರುವ ಜೋ ಬೈಡನ್ ಅವರು ತನ್ನ ಹವಾಮಾನ ಮತ್ತು ಇಂಧನ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುವ ತಂಡವನ್ನು ಪ್ರಕಟಿಸಿದ್ದಾರೆ.

ಸಮಿತಿಯ ಆಂತರಿಕ ಕಾರ್ಯದರ್ಶಿಯಾಗಿ ಸಂಸದೆ ಡೆಬ್ ಹಾಲೆಂಡ್, ಇಂಧನ ಕಾರ್ಯದರ್ಶಿಯಾಗಿ ಜೆನ್ನಿಫರ್ ಗ್ರ್ಯಾನ್‌ಹೋಮ್, ಪರಿಸರ ಸಂರಕ್ಷಣಾ ಸಂಸ್ಥೆಯ ನಿರ್ವಾಹಕರಾಗಿ ಮೈಕೆಲ್ ರೇಗನ್ ಮತ್ತು ಪರಿಸರ ಗುಣಮಟ್ಟ ಕುರಿತ ಪರಿಷತ್ತಿನ ಅಧ್ಯಕ್ಷರಾಗಿ ಬ್ರೆಂಡಾ ಮಲ್ಲೊರಿಯನ್ನು ಆಯ್ಕೆ ಮಾಡಲಾಗಿದೆ.

ಬೈಡನ್ ಅವರು ಜಿನಾ ಮ್ಯಾಕಾರ್ಥಿ ಅವರನ್ನು ರಾಷ್ಟ್ರೀಯ ಹವಾಮಾನ ಸಲಹೆಗಾರರಾಗಿ ಹಾಗೂ ಪಾಕಿಸ್ತಾನಿ – ಅಮೆರಿಕನ್‌ ಅಲಿ ಝೈದಿ ಅವರನ್ನು ಉಪ ಸಲಹೆಗಾರರನ್ನಾಗಿ ನೇಮಿಸಿರುವುದಾಗಿ ಗುರುವಾರ ಪ್ರಕಟಿಸಿದ್ದಾರೆ.