ಕೋವಿಡ್‌ ರೆಸ್ಪಾನ್ಸ್‌ ಟೀಂ ಸಲಹೆಗಾರನಾಗಿ ಭಾರತೀಯ ಅಮೆರಿಕನ್‌ ಶರ್ಮಾ ನೇಮಕ

ವಾಷಿಂಗ್ಟನ್‌: ಅಮೆರಿಕದ ನಿಯೋಜಿತ ಜೋ ಬೈಡನ್‌ ಅವರು ಭಾರತೀಯ ಅಮೆರಿಕನ್‌, ಆರೋಗ್ಯ ನೀತಿ ತಜ್ಞ ವಿದುರ್‌ ಶರ್ಮಾ ಅವರನ್ನು ‘ಕೋವಿಡ್‌–19 ರೆಸ್ಪಾನ್ಸ್‌ ಟೀಂ’ನ ಸಲಹೆಗಾರನನ್ನಾಗಿ ನೇಮಿಸಿದ್ದಾರೆ.

ದೇಶದಲ್ಲಿ ಆರಂಭಿಸಲಾಗುವ ಬೃಹತ್‌ ಲಸಿಕೆ ಕಾರ್ಯಕ್ರಮದ ಮೇಲ್ವಿಚಾರಣೆಗಾಗಿ ‘ಕೋವಿಡ್‌–19 ರೆಸ್ಪಾನ್ಸ್‌ ಟೀಂ’ ಅನ್ನು ರಚಿಸಲಾಗಿದೆ.

ಬರಾಕ್‌ ಒಬಾಮಾ ಅವರು ಅಧ್ಯಕ್ಷರಾಗಿದ್ದಾಗ ಶರ್ಮಾ ಅವರು, ದೇಶೀಯ ನೀತಿ ಮಂಡಳಿಯಲ್ಲಿ ಆರೋಗ್ಯ ನೀತಿಗೆ ಸಂಬಂಧಿಸಿ ಸಲಹೆಗಾರರಾಗಿ ಸೇವೆ ಸಲ್ಲಿಸಿದರು. ಅಲ್ಲದೆ ಅವರು ‘ಪ್ರೊಟೆಕ್ಟ್‌ ಅವರ್‌ ಕೇರ್‌’ನಲ್ಲಿ ಉಪ ಸಂಶೋಧನಾ ನಿರ್ದೇಶಕರಾಗಿಯೂ ಕಾರ್ಯ ನಿರ್ವಹಿಸಿದ್ದಾರೆ.