ಭಾರತದಲ್ಲಿ ಶುದ್ಧ ಇಂಧನ ಬಳಕೆ ಬೆಂಬಲಿಸಿ ಅಮೆರಿಕದಲ್ಲಿ ಮಸೂದೆ ಮಂಡನೆ

ವಾಷಿಂಗ್ಟನ್‌: ಸಂಪನ್ಮೂಲಗಳನ್ನು ಒದಗಿಸುವ ಮೂಲಕಭಾರತದಲ್ಲಿ ಶುದ್ಧ ಇಂಧನ ಬಳಕೆಗೆ ಉತ್ತೇಜಿಸಲು ಅಮೆರಿಕ ಸಂಸತ್ತಿನಲ್ಲಿ ಶುಕ್ರವಾರ ಮಸೂದೆ ಮಂಡನೆಯಾಗಿದೆ.

ಸಂಸದರಾದ ಸ್ಕಾಟ್ ಪೀಟರ್ಸ್‌ ಮತ್ತು ಅಮಿ ಬೆರಾ ಅವರು, ‘ಹವಾಮಾನ ಮತ್ತು ಶುದ್ಧ ಇಂಧನ ಕಾರ್ಯಸೂಚಿ 2030ಅಮೆರಿಕ– ಭಾರತ ಸಹಭಾಗಿತ್ವ’ ಮಸೂದೆಯನ್ನು ಮಂಡಿಸಿದ್ದಾರೆ.

ಶುದ್ಧ ಇಂಧನ ತಂತ್ರಜ್ಞಾನ ಕುರಿತ ಸಂಶೋಧನೆ ಮತ್ತು ಆವಿಷ್ಕಾರ ಹಾಗೂ ಭಾರತದಲ್ಲಿ ಹೊಸ ನವೀಕರಿಸಬಹುದಾದ ಇಂಧನ ಮೂಲಗಳ ಸೃಷ್ಟಿಗೆ ಪ್ರೋತ್ಸಾಹಿಸಲು ಮಸೂದೆಯು ಶಿಫಾರಸು ಮಾಡುತ್ತದೆ.