ಭಾರತಕ್ಕೆ ಚೀನಾ ವಿಮಾನಯಾನ–ಇನ್ನೂ ನಿರ್ಧಾರ ಇಲ್ಲ

ಬೀಜಿಂಗ್: ಕೋವಿಡ್‌ನಿಂದಾಗಿ ಎರಡು ವರ್ಷಗಳ ಕಾಲ ನಿರ್ಬಂಧಿಸಲಾಗಿದ್ದ ಅಂತರರಾಷ್ಟ್ರೀಯ ವಿಮಾನಯಾನಕ್ಕೆ ಚೀನಾ ಮತ್ತೆ ಅನುಮತಿ ನೀಡಲು ಪ‍್ರಾರಂಭಿಸಿದೆ. ಆದರೆ ಭಾರತಕ್ಕೆ ವಿಮಾನ ಸೇವೆಗಳನ್ನು ಪುನರಾರಂಭಿಸುವ ಬಗ್ಗೆ ಅದು ಇನ್ನೂ ನಿರ್ಧಾರ ಪ್ರಕಟಿಸಿಲ್ಲ.

ಭಾರತೀಯ ವೃತ್ತಿಪರರಿಗೆ ಹಾಗೂ ಕುಟುಂಬಗಳಿಗೆ ಇದ್ದ ವೀಸಾ ನಿಷೇಧವನ್ನು ಕಳೆದ ತಿಂಗಳು ತೆಗೆದು ಹಾಕಲಾಗಿತ್ತು. ಆದರೆ ಚೀನಾಕ್ಕೆ ನೇರ ವಿಮಾನ ಸಂಚಾರ ಇಲ್ಲದ ಕಾರಣ ಅಲ್ಲಿಗೆ ತೆರಳಲು ಸಾಧ್ಯವಿಲ್ಲದಂತಾಗಿದೆ. ಮತ್ತೊಂದು ದೇಶದ ಮೂಲಕ ಚೀನಾಗೆ ಪ್ರಯಾಣ ಮಾಡುವುದೂ ಸಹ ತುಂಬಾ ದುಬಾರಿಯ ಸಂಗತಿಯಾಗಿದೆ.

ಈ ಮಧ್ಯೆ ಭಾರತ–ಚೀನಾ ನಡುವೆ ಸೀಮಿತ ವಿಮಾನಗಳನ್ನು ಪುನರಾರಂಭಿಸಲು ಉಭಯ ದೇಶಗಳು ಮಾತುಕತೆ ನಡೆಸುತ್ತಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.