Covid-19 World Update: 2.9 ಕೋಟಿ ಸೋಂಕಿತರು, 9.2 ಲಕ್ಷಕ್ಕೂ ಹೆಚ್ಚು ಸಾವು

ವಾಷಿಂಗ್ಟನ್: ಜಗತ್ತಿನಾದ್ಯಂತ 2.90 ಕೋಟಿಗೂ ಅಧಿಕ ಜನರು ಕೋವಿಡ್-19 ಸೋಂಕಿಗೆ ಒಳಗಾಗಿದ್ದರೆ, 9.26 ಲಕ್ಷಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ ಎಂದು ಕೊರೊನಾ ವೈರಸ್‌ ವರ್ಡೊ ಮೀಟರ್‌ ತಿಳಿಸಿದೆ.

ಈವರೆಗೆ ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 29,055,626ಕ್ಕೆ ಮುಟ್ಟಿದ್ದು, 9,26,026 ಮಂದಿ ಮೃತಪಟ್ಟಿದ್ದಾರೆ. 2,09,13,347 ಸೋಂಕಿತರು ಗುಣಮುಖರಾಗಿದ್ದಾರೆ. ಒಟ್ಟು 72,16,253 ಕೊರೊನಾ ಪ್ರಕರಣಗಳು ಸಕ್ರಿಯವಾಗಿವೆ.

ಸೋಂಕು ಪ್ರಕರಣಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಅಮೆರಿಕದಲ್ಲಿ 66,90,810 ಜನರಿಗೆ ಕೋವಿಡ್-19 ದೃಢಪಟ್ಟಿದೆ. ಸದ್ಯ 1,98,239 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. 39,52,366 ಜನರು ಈ ವರೆಗೆ ಚೇತರಿಸಿಕೊಂಡಿದ್ದಾರೆ.

ಭಾರತದಲ್ಲಿ 48,11,712, ಬ್ರೆಜಿಲ್‌ನಲ್ಲಿ 43,15,858, ರಷ್ಯಾದಲ್ಲಿ 10,62,811, ದಕ್ಷಿಣ ಆಫ್ರಿಕಾದಲ್ಲಿ 6,48,214, ಪೆರುವಿನಲ್ಲಿ 7,22,832, ಕೊಲಂಬಿಯಾದಲ್ಲಿ 7,08,964, ಚಿಲಿಯಲ್ಲಿ 4,32,666, ಇರಾನ್‌ನಲ್ಲಿ 4,02,029, ಇಂಗ್ಲೆಂಡ್‌ನಲ್ಲಿ 3,68,504 ಮತ್ತು ಸ್ಪೇನ್‌ನಲ್ಲಿ 5,76,697 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ.