Covid-19 World Update: ಬ್ರೆಜಿಲ್‌ನಲ್ಲಿ 40 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ

ಬ್ರೆಸಿಲಿಯಾ: ಬ್ರೆಜಿಲ್‌ನಲ್ಲಿ ಕಳೆದ 24 ಗಂಟೆ ಅವಧಿಯಲ್ಲಿ 43,773 ಕೋವಿಡ್‌–19 ಸೋಂಕು ಪ್ರಕರಣಗಳು ವರದಿಯಾಗಿದ್ದು, ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 40,41,638ಕ್ಕೆ ಏರಿಕೆಯಾಗಿದೆ ಎಂದು ಅಲ್ಲಿನ ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ.

ಇದೇವೇಳೆ 834 ಮಂದಿ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 1,24,614ಕ್ಕೆ ತಲುಪಿದೆ. ಒಟ್ಟು32,47,610 ಸೋಂಕಿತರು ಗುಣಮುಖರಾಗಿದ್ದಾರೆ.

ಅತಿಹೆಚ್ಚು ಸೋಂಕು ಪ್ರಕರಣಗಳು ವರದಿಯಾಗಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿದ್ದು, ಇಲ್ಲಿ61,49,516 ಜನರಿಗೆ ಸೋಂಕು ತಗುಲಿದೆ.

ವಿಶ್ವ ಆರೋಗ್ಯ ಸಂಸ್ಥೆಯುಕೋವಿಡ್–19 ಸೋಂಕನ್ನು ಜಾಗತಿಕ ಪಿಡುಗು ಎಂದು ಮಾರ್ಚ್‌ 11ರಂದು ಘೋಷಿಸಿತ್ತು.

ಜಗತ್ತಿನಾದ್ಯಂತ ಇದುವರೆಗೆ ಒಟ್ಟು 2,63,04,856 ಪ್ರಕರಣಗಳು ವರದಿಯಾಗಿದ್ದು,8,68,733 ಮಂದಿ ಮೃತಪಟ್ಟಿದ್ದಾರೆಎಂದು ಜಾನ್ಸ್‌ ಹಾಪ್‌ಕಿನ್ಸ್‌ ವಿಶ್ವವಿದ್ಯಾಲಯವು ವರದಿ ಮಾಡಿದೆ.

ರಷ್ಯಾದಲ್ಲಿ1,006,923,ಪೆರುವಿನಲ್ಲಿ6,57,129, ಕೊಲಂಬಿಯಾದಲ್ಲಿ6,41,574, ದಕ್ಷಿಣ ಆಫ್ರಿಕಾದಲ್ಲಿ6,33,015 ಮತ್ತು ಮೆಕ್ಸಿಕೊದಲ್ಲಿ616,894 ಪ್ರಕರಣಗಳು ವರದಿಯಾಗಿವೆ.

ಮೆಕ್ಸಿಕೊದಲ್ಲಿ66,329, ಇಂಗ್ಲೆಂಡ್‌ನಲ್ಲಿ41,616, ಇಟಲಿಯಲ್ಲಿ35,507, ಫ್ರಾನ್ಸ್‌ನಲ್ಲಿ 30,712, ಸ್ಪೇನ್‌ನಲ್ಲಿ29,234, ಪೆರುವಿನಲ್ಲಿ29,068 ಮತ್ತು ಇರಾನ್‌ನಲ್ಲಿ21,926ಸೋಂಕಿತರು ಮೃತಪಟ್ಟಿದ್ದಾರೆ.

ಕೋವಿಡ್–19 ಮಾರಕ ರೋಗವೇನಲ್ಲ: ಸಿಂಗಾಪುರ ಪ್ರಧಾನಿ
ಕೋವಿಡ್–19 ಸಾಂಕ್ರಾಮಿಕವು ಜಾಗತಿಕ ಮಟ್ಟದಲ್ಲಿ ಸಂಭವಿಸಿರುವ ವಿಪತ್ತು ಆಗಿದೆ. ಆದರೆ, ಇದು ಮಾನವಕುಲಕ್ಕೆ ಮಾರಕರೋಗವಲ್ಲ. ಈ ತುರ್ತು ಸಮಯದಲ್ಲಿ ಕಲಿತ ಪಾಠಗಳನ್ನು ಭವಿಷ್ಯದ ಸಾಂಕ್ರಾಮಿಕ ರೋಗಗಳ ಸಂದರ್ಭಗಳಲ್ಲಿ ಅಳವಡಿಸಿಕೊಳ್ಳಬೇಕು ಎಂದು ಸಿಂಗಾಪುರ ಪ್ರಧಾನಿ ಲೀ ಹ್ಸಿಯೆನ್‌ ಲೂಂಗ್‌ ಅವರು ಹೇಳಿದ್ದಾರೆ.

ಭಾರತದಲ್ಲಿ 40 ಲಕ್ಷದತ್ತ ಸಾಗಿದ ಸೋಂಕಿತರ ಸಂಖ್ಯೆ
ದೇಶದಲ್ಲಿ ಈವರೆಗೆ 39,36,748 ಮಂದಿಗೆ ಸೋಂಕು ತಗುಲಿದ್ದು, 68,472 ಮಂದಿ ಸಾವಿಗೀಡಾಗಿದ್ದಾರೆಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ.

30,37,152 ಮಂದಿ ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದು, ಇನ್ನೂ 8,31,124 ಪ್ರಕರಣಗಳು ಸಕ್ರಿಯವಾಗಿವೆ.