ಪಾಕ್‌ನಲ್ಲಿ ದಿಢೀರ್‌ ಪ್ರವಾಹ: ಮೃತರ ಸಂಖ್ಯೆ 327ಕ್ಕೆ ಏರಿಕೆ

ಪೇಶಾವರ:  ಪಾಕಿಸ್ತಾನದ ಖೈಬರ್‌ ಪಖ್ತುಂಖ್ವಾದಲ್ಲಿ ಸಂಭವಿಸಿದ ದಿಢೀರ್‌ ಪ್ರವಾಹದಲ್ಲಿ  ಮೃತಪಟ್ಟವರ ಸಂಖ್ಯೆ 327ಕ್ಕೆ ಏರಿಕೆಯಾಗಿದೆ ಎಂದು ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.

ಭಾರಿ  ಮಳೆಯಿಂದಾಗಿ ಖೈಬರ್‌ ಪಖ್ತುಂಖ್ವಾ ಪ್ರಾಂತ್ಯದ ವಿವಿಧ ಜಿಲ್ಲೆಗಳಲ್ಲಿ ಹಠಾತ್ ಪ್ರವಾಹ ಉಂಟಾಗಿದೆ. ಮಳೆ ಆಗಸ್ಟ್ 21ರವರೆಗೆ ಮುಂದುವರಿಯುವ ಸಾಧ್ಯತೆಯಿದೆ ಎಂದು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಶನಿವಾರ ತಿಳಿಸಿದೆ.

ಮೇಘಸ್ಪೋಟ, ಪ್ರವಾಹ ಸೇರಿ ಮಳೆ ಅನಾಹುತದಿಂದ ಜೂನ್‌ 26ರಿಂದ ಆಗಸ್ಟ್‌.16ರವರೆಗೆ 645 ಜನರು ಮೃತಪಟ್ಟಿದ್ದಾರೆ ಎಂದು ಪ್ರಾಧಿಕಾರ ಹೇಳಿದೆ.