ಸ್ಯಾನ್ಫ್ರಾನ್ಸಿಸ್ಕೊ: ಎಂಜಿನ್ ದೋಷದಿಂದಾಗಿ ಡೆನ್ವರ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಯುನೈಟೆಡ್ ಏರ್ಲೈನ್ ವಿಮಾನ ತುರ್ತು ಭೂಸ್ಪರ್ಶ ಮಾಡಿರುವ ಹಿನ್ನೆಲೆಯಲ್ಲಿ ಎಲ್ಲ ಬೋಯಿಂಗ್ 777 ಮಾದರಿಯ ಎಂಜಿನ್ಗಳನ್ನು ತಪಾಸಣೆ ನಡೆಸುವಂತೆ ಅಮೆರಿಕದ ವಿಮಾನಯಾನ ನಿಯಂತ್ರಣ ಸಂಸ್ಥೆ ಯುನೈಟೆಡ್ ಕಂಪನಿಗೆ ಆದೇಶಿಸಿದೆ.
ವಿಮಾನಯಾನ ನಿಯಂತ್ರಣ ಸಂಸ್ಥೆ ತಪಾಸಣೆ ಪೂರ್ಣಗೊಳಿಸಿ, ಈ ಮಾದರಿಯ ಎಂಜಿನ್ಗಳನ್ನು ಶಿಫಾರಸು ಮಾಡುವವರೆಗೆ, ಆ ವಿಮಾನಗಳನ್ನು ತಾತ್ಕಾಲಿಕವಾಗಿ ಸೇವೆಯಿಂದ ತೆಗೆದುಹಾಕುತ್ತಿರುವುದಾಗಿ ಯುನೈಟೆಡ್ ಏರ್ಲೈನ್ ಸಂಸ್ಥೆ ಹೇಳಿದೆ.
231 ಪ್ರಯಾಣಿಕರು ಮತ್ತು ಹತ್ತು ಮಂದಿ ಸಿಬ್ಬಂದಿಯೊಂದಿಗೆ ಡೆನ್ವರ್ ಅಂತರರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಟೇಕ್ ಆಫ್ ಆಗಿದ್ದ ಯುನೈಟೆಡ್ ಏರ್ಲೈನ್ ವಿಮಾನ 328, ಎಂಜಿನ್ ದೋಷದಿಂದಾಗಿ, ತಕ್ಷಣವೇ ತುರ್ತಾಗಿ ಭೂ ಸ್ಪರ್ಶ ಮಾಡಿತ್ತು. ಘಟನೆಯಲ್ಲಿ ಯಾವುದೇ ಸಾವುನೋವು ಸಂಭವಿಸಿರಲಿಲ್ಲ.
ಈ ಘಟನೆ ನಡೆದು ಒಂದು ದಿನದ ನಂತರ ಅಮೆರಿಕ ಸರ್ಕಾರದ ವಿಮಾನಯಾನ ನಿಯಂತ್ರಣ ಸಂಸ್ಥೆ ಎಂಜಿನ್ ತಪಾಸಣೆಗೆ ಆದೇಶಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.