‘ಬೂದುಪಟ್ಟಿ’ಯಲ್ಲಿ ಪಾಕ್‌ ಮುಂದುವರಿಕೆ: ಎಫ್‌ಎಟಿಎಫ್‌
ಹೊಸದಾಗಿ ಟರ್ಕಿ, ಜೋರ್ಡಾನ್‌, ಮಾಲಿ ಸೇರ್ಪಡೆ
Published 21 ಅಕ್ಟೋಬರ್ 2021, 18:01 IST
ಸಾಂಕೇತಿಕ ಚಿತ್ರ
ನವದೆಹಲಿ:ಪಾಕಿಸ್ತಾನವನ್ನು ‘ಬೂದು ಪಟ್ಟಿ‘ಯಲ್ಲಿಯೇ ಮುಂದುವರಿಸಲು ಹಣಕಾಸು ಕಾರ್ಯಪಡೆ (ಎಫ್‌ಎಟಿಎಫ್‌) ನಿರ್ಧರಿಸಿದೆ.
ಭಯೋತ್ಪಾದಕ ಸಂಘಟನೆಗಳಿಗೆ ಹಣಕಾಸು ನೆರವು ಹಾಗೂ ಬೆಂಬಲ ನೀಡುವುದಕ್ಕೆ ಕಡಿವಾಣ ಹಾಕಲು ಎಫ್‌ಎಟಿಎಫ್‌ ಶ್ರಮಿಸುತ್ತದೆ.
ಪ್ಯಾರಿಸ್‌ನಲ್ಲಿ ನಡೆದ ಎಫ್‌ಎಟಿಎಫ್‌ನ ನಾಲ್ಕು ದಿನಗಳ ಸಾಮಾನ್ಯಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಯಿತು.
‘ಪ್ರಧಾನಿ ಇಮ್ರಾನ್‌ಖಾನ್‌ ನೇತೃತ್ವ ಸರ್ಕಾರ ಎಫ್‌ಟಿಟಿಎಫ್‌ನ ನಿರೀಕ್ಷೆಯಂತೆ ಕ್ರಮ ಕೈಗೊಳ್ಳಲು ವಿಫಲವಾಗಿದೆ. ಹೀಗಾಗಿ ಮುಂದಿನ ವರ್ಷ ಏಪ್ರಿಲ್‌ ವರೆಗೆ ಪಾಕಿಸ್ತಾನವನ್ನು ‘ಬೂದು ಪಟ್ಟಿ’ಯಲ್ಲಿ ಮುಂದುವರಿಸಲು ನಿರ್ಧರಿಸಲಾಗಿದೆ’ ಎಂದು ಎಫ್‌ಎಟಿಎಫ್‌ ತಿಳಿಸಿದೆ.
ಟರ್ಕಿ, ಜೋರ್ಡಾನ್‌ ಹಾಗೂ ಮಾಲಿಯನ್ನು ಸಹ ‘ಬೂದು ಪಟ್ಟಿ’ಯಲ್ಲಿ ಸೇರಿಸಲು ನಿರ್ಧರಿಸಲಾಯಿತು ಎಂದೂ ಸಂಘಟನೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.