ಪಾಕ್‌ನಲ್ಲಿ ಆತ್ಮಾಹುತಿ ದಾಳಿ: ನಾಲ್ವರು ಸೈನಿಕರ ಸಾವು

ಪೇಶಾವರ: ಪಾಕಿಸ್ತಾನದ ಉತ್ತರ ವಾಜಿರಿಸ್ತಾನ್‌ನಲ್ಲಿ ಮಂಗಳವಾರ ನಡೆದ ಆತ್ಮಾಹುತಿ ದಾಳಿಯಲ್ಲಿ ಕನಿಷ್ಠ ನಾಲ್ವರು ಸೈನಿಕರು ಸತ್ತಿದ್ದು, ಇತರೆ ಏಳು ಮಂದಿ ಗಾಯಗೊಂಡರು.

ಭದ್ರತಾ ಪಡೆಗಳಿದ್ದ ವಾಹನಕ್ಕೆ ಪಟ್ಟಾಸಿ ಚೆಕ್‌ಪೋಸ್ಟ್‌ ಬಳಿ ತ್ರಿಚಕ್ರ ವಾಹನ ಡಿಕ್ಕಿ ಹೊಡೆಸಿ ಕೃತ್ಯ ಎಸಗಲಾಗಿದೆ. ಇಬ್ಬರು ನಾಗರಿಕರು, ಮೂವರು ಸಿಪಾಯಿಗಳು, ಇಬ್ಬರು ನಾಯಕ್‌ ದರ್ಜೆ ಅಧಿಕಾರಿಗಳು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜುಲೈ 4ರಂದು ಅರಣ್ಯ ಭಾಗದಲ್ಲಿ ನಡೆದಿದ್ದ ನಡೆದಿದ್ದ ಆತ್ಮಾಹುತಿ ದಾಳಿಯಲ್ಲಿ 10 ಮಂದಿ ಸೈನಿಕರು ಮೃತಪಟ್ಟಿದ್ದರು.