ಮದ್ಯ ತ್ಯಜಿಸಿದರೆ ಮಾನಸಿಕ ಆರೋಗ್ಯ

ಬೀಜಿಂಗ್: ಮದ್ಯ ಸೇವನೆ ತ್ಯಜಿಸುವ ಮಹಿಳೆಯರು ಮಾನಸಿಕವಾಗಿ ಸುಧಾರಿತ ಜೀವನ ಕಂಡುಕೊಳ್ಳುತ್ತಾರೆ ಎಂದು ಅಧ್ಯಯನವೊಂದು ಹೇಳಿದೆ.

ಆರೋಗ್ಯಪೂರ್ಣ ಪಥ್ಯ (ಡಯಟ್‌)ದ ಭಾಗವಾಗಿ ಸ್ವಲ್ಪ ಪ್ರಮಾಣದ ಮದ್ಯ ಸೇವನೆಗೆ ಶಿಫಾರಸು ಮಾಡುವ ಬಗ್ಗೆಯೂ ಎಚ್ಚರಿಕೆ ವಹಿಸಬೇಕು ಎಂದು ಹಾಂಗ್‌ ಕಾಂಗ್ ವಿಶ್ವವಿದ್ಯಾಲಯದ ಮಿಚೆಲಿ ನಿ ಅವರು ಹೇಳಿದ್ದಾರೆ.

ಈ ಅಧ್ಯಯನವು ಕೆನಡಿಯನ್‌ ಮೆಡಿಕಲ್ ಅಸೋಸಿಯೇಷನ್‌ನ ನಿಯತಕಾಲಿಕದಲ್ಲಿ ಪ್ರಕಟವಾಗಿದ್ದು, ಅಧ್ಯಯನಕ್ಕಾಗಿ 10,386 ಜನರನ್ನು ಬಳಸಿಕೊಳ್ಳಲಾಗಿದೆ. ಇವರು 2009 ಮತ್ತು 2013 ರ ಅವಧಿಯಲ್ಲಿ ಮದ್ಯ ಸೇವಿಸದಿರುವವರು ಅಥವಾ ಸ್ವಲ್ಪಮಟ್ಟಿನ ಮದ್ಯ ಸೇವಿಸುವವರಾಗಿದ್ದರು.