ಉಪವಾಸ ಕೈಬಿಡಲು ಪ್ರತಿಭಟನಾಕಾರರ ಮೇಲೆ ಒತ್ತಡ

ಹ್ಯೂಸ್ಟನ್‌: ‘ಅಮೆರಿಕದಲ್ಲಿ ಆಶ್ರಯ ಬಯಸಿ ಉಪವಾಸ ಮಾಡುತ್ತಿರುವ ಮೂವರು ಭಾರತೀಯರಿಗೆ ಒತ್ತಾಯ ಪೂರ್ವಕವಾಗಿ ನೀರು ಕುಡಿಸಲಾಗಿದೆ’ ಎಂದು ಅವರ ಪರ ವಕೀಲೆ ಲಿಂಡಾ ಕಾರ್ಚಾಡೊ ಹೇಳಿದ್ದಾರೆ.

‘ದೀರ್ಘಕಾಲದಿಂದ ಈ ಮೂವರನ್ನು ಬಂಧಿಸಲಾಗಿದೆ. ಇವರ ಬಂಧನವು ಪಕ್ಷಪಾತದಿಂದ ಕೂಡಿದೆ ಹಾಗೂ ವಲಸೆ ನ್ಯಾಯಾಲಯವು ಪ್ರಕರಣದ ಕುರಿತು ತಾರತಮ್ಯ ಧೋರಣೆ ಅನುಸರಿಸಿದೆ. ಇದನ್ನು ಪ್ರತಿಭಟಿಸಿ ನನ್ನ ಕಕ್ಷಿದಾರರು ಉಪವಾಸ ಪ್ರಾರಂಭಿಸಿದರು‘ ಎಂದು ವಿವರಿಸಿದರು.

‘ಟೆಕ್ಸಾಸ್‌ನಲ್ಲಿರುವ ಅಮೆರಿಕ ವಲಸೆ ಹಾಗೂ ಕಸ್ಟಮ್‌ ಜಾರಿ (ಐಸಿಇ) ಎಜೆನ್ಸಿಯ ಬಂಧನ ಕೇಂದ್ರದಲ್ಲಿ ಈ ಮೂವರು ಜುಲೈ 9ರಿಂದ ಉಪವಾಸ ಮಾಡುತ್ತಿದ್ದರು. ಭಾನುವಾರಕ್ಕೆ ಅವರ ಉಪವಾಸವು 20ನೇ ದಿನಕ್ಕೆ ಕಾಲಿಟ್ಟಿದೆ’ ಎಂದು ಅವರು ಮಾಹಿತಿ ನೀಡಿದರು.ಹಲವು ತಿಂಗಳಿಂದ ಈ ಮೂವರು ಬಂಧನದಲ್ಲಿದ್ದಾರೆ. ಇವರಲ್ಲಿ ಒಬ್ಬರು ಒಂದು ವರ್ಷದಿಂದ ಬಂಧನದಲ್ಲಿದ್ದಾರೆ.