ಗಾಜಾದಲ್ಲಿ ಇಸ್ರೇಲ್ ಸೇನಾ ಕಾರ್ಯಾಚರಣೆ: ಮಿತ್ರ ದೇಶಗಳಿಂದಲೇ ಖಂಡನೆ

ಜೆರುಸಲೇಂ: ಗಾಜಾದಲ್ಲಿ ಇಸ್ರೇಲ್ ಸೇನಾ ಕಾರ್ಯಾಚರಣೆ ತೀವ್ರಗೊಳಿಸಿರುವುದನ್ನು ಬ್ರಿಟನ್, ಫ್ರಾನ್ಸ್‌ ಹಾಗೂ ಕೆನಡಾ ಖಂಡಿಸಿವೆ. 

‘ಇಸ್ರೇಲ್‌ ನಾಗರಿಕರು ಭಯೋತ್ಪಾದನೆಯನ್ನು ವಿರೋಧಿಸಿ ತಮ್ಮ ಹಕ್ಕುಗಳಿಗಾಗಿ ಪ್ರತಿಪಾದಿಸಿದಾಗ ಅವರೊಟ್ಟಿಗೆ ನಾವು ನಿಂತೆವು. ಆದರೆ, ಈಗ ನಡೆಸುತ್ತಿರುವ ಸೇನಾ ಕಾರ್ಯಾಚರಣೆಯು ಸಂಪೂರ್ಣವಾಗಿ ಅಸಮರ್ಪಕವಾದುದು’ ಎಂದು ಮೂರೂ ದೇಶಗಳು ಜಂಟಿ ಹೇಳಿಕೆ ಬಿಡುಗಡೆ ಮಾಡಿವೆ. 

ತೀವ್ರಗೊಳಿಸಿರುವ ಸೇನಾ ಕಾರ್ಯಾಚರಣೆಯನ್ನು ನಿಲ್ಲಿಸಿ, ಕದನ ವಿರಾಮಕ್ಕೆ ಬದ್ಧವಾಗದೇ ಇದ್ದಲ್ಲಿ ಇನ್ನಷ್ಟು ಕಠಿಣ ಕ್ರಮಗಳನ್ನು ಇಸ್ರೇಲ್ ಎದುರಿಸಬೇಕಾದೀತು ಎಂದು ಎಚ್ಚರಿಕೆಯನ್ನೂ ನೀಡಿವೆ.