ಅಮೆರಿಕ: ಖಜಾನೆ ಕಾರ್ಯದರ್ಶಿಯಾಗಿ ಅರ್ಥಶಾಸ್ತ್ರಜ್ಞೆ ಜಾನೆಟ್‌ ಎಲೆನ್‌ ನೇಮಕ
Published 26 ಜನವರಿ 2021, 9:59 IST
ಜಾನೆಟ್‌ ಎಲೆನ್‌
ವಾಷಿಂಗ್ಟನ್‌: ಅಮೆರಿಕದ ಖಜಾನೆ ಇಲಾಖೆಯ ಮೊದಲ ಮಹಿಳಾ ಕಾರ್ಯದರ್ಶಿಯಾಗಿ ಹೆಸರಾಂತ ಅರ್ಥಶಾಸ್ತ್ರಜ್ಞೆ ಜಾನೆಟ್‌ ಎಲೆನ್‌ ಅವರ ನೇಮಕವನ್ನು ಸೆನೆಟ್ ಮಂಗಳವಾರ ಅನುಮೋದಿಸಿದೆ.
ಫೆಡರಲ್‌ ರಿಸರ್ವ್‌ನ ಮಾಜಿ ಅಧ್ಯಕ್ಷೆಯಾದ ಎಲೆನ್‌ ಅವರ ನೇಮಕವನ್ನು ಸೆನೆಟ್ 84–15 ಮತಗಳಿಂದ ಬೆಂಬಲಿಸಿತು. ಉಭಯಪಕ್ಷೀಯ ಮತಗಳನ್ನು ಪಡೆಯುವ ಮೂಲಕ ಬೈಡನ್‌ ಕ್ಯಾಬಿಟನ್‌ನ ಮೂರನೇ ಸದಸ್ಯರಾದರು.
ಅಮೆರಿಕದ ಸೆಂಟ್ರಲ್ ಬ್ಯಾಂಕ್‌ನ ಅಧ್ಯಕ್ಷೆಯಾಗಿ ಜಾನೆಟ್‌ ಎಲೆನ್‌ ಅವರು 2014 ರಿಂದ 2018ರ ಅವಧಿಯಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಕೊರೊನಾ ಸೋಂಕಿನಿಂದಾಗಿ ಉಂಟಾಗಿರುವ ಆರ್ಥಿಕ ಬಿಕ್ಕಟ್ಟನ್ನು ಸರಿಪಡಿಸಲು ಜೋ ಬೈಡನ್‌ ಆಡಳಿತಕ್ಕೆ ಅಗತ್ಯ ಸಲಹೆ ನೀಡುವ ಹೊಣೆಗಾರಿಕೆ ಇವರ ಮೇಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.