ಡೊನಾಲ್ಡ್ ಟ್ರಂಪ್‍ ವರ್ಣಭೇದ ಚಿಂತನೆಯ ‘ಪ್ರಥಮ’ ಅಧ್ಯಕ್ಷ: ಜೋ ಬಿಡೆನ್
Published 23 ಜುಲೈ 2020, 6:08 IST
ಜೋ ಬಿಡೆನ್
ವಾಷಿಂಗ್ಟನ್‍: ಡೊನಾಲ್ಡ್ ಟ್ರಂಪ್‍ ದೇಶ ಕಂಡ ವರ್ಣಭೇದ ನಿಲುವುಳ್ಳ ‘ಪ್ರಥಮ’ ಅಧ್ಯಕ್ಷ ಎಂದು ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೋ ಬಿಡೆನ್ ಟೀಕಿಸಿದ್ದಾರೆ.
ಸರ್ವೀಸ್‍ ಎಂಪ್ರಾಯಿಸ್‍ ಇಂಟರ್ ನ್ಯಾಷನಲ್‍ ಯೂನಿಯನ್ ಆಯೋಜಿಸಿದ್ದ ವರ್ಚುವಲ್ ಜಾಥಾದಲ್ಲಿ ಮಾತನಾಡುತ್ತಿದ್ದಾಗ, ಸಭಿಕರೊಬ್ಬರು, ‘ಚೀನಾ ವೈರಸ್ ಎಂದು ಟ್ರಂಪ್‍ ಕರೆದಿದ್ದರಿಂದ ಕೊರೊನಾ ಸಮಸ್ಯೆಗೂ ಜನಾಂಗೀಯ ಚಿಂತನೆ ಆವರಿಸಿತು’ ಎಂದು ಗಮನಸೆಳೆದರು. ಅದಕ್ಕೆ ಪ್ರತಿಕ್ರಿಯಿಸಿದ ಬಿಡೆನ್, ‘ಅವರು ವರ್ಣಭೇದ ನೀತಿ ಮನೋಭಾವ ಬೆಳೆಸುತ್ತಿದ್ದಾರೆ’ ಎಂದು ದೂರಿದರು.
‘ವರ್ಣ, ರಾಷ್ಟ್ರೀಯ ಮೂಲದ ಆಧಾರದಲ್ಲಿ ಅವರು ಜನರ ಜೊತೆಗೆ ವ್ಯವಹರಿಸುವುದು ನೋಡಿದರೆ ನಿಜಕ್ಕೂ ಬೇಸರವಾಗುತ್ತದೆ. ಹಿಂದೆ ಯಾವುದೇ ಅಧ್ಯಕ್ಷರು ಹೀಗೇ ನಡೆದುಕೊಂಡಿರಲಿಲ್ಲ’ ಎಂದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.